ស្អាតខប់ខប់ ! គ្រាន់តែរូបរៀង Galaxy Note10 ចេញមកហើយស្អាតខប់ អ្នកនៅស្រុកខ្មែររងចាំស្ទើរគ្រប់ពេល
គ្រាន់តែធ្លាយរូបរាងតែបន្តិចតែប៉ុណ្ណោះ មិននឹកស្មានថា មានអ្នកទន្ទឹមរងចាំ Samsung Galaxy Note10 ដូចជាទន្ទឹងរងចាំម្តាយមកពីផ្សារអ៊ីចឹង។
Galaxy Note ឆ្នាំនេះ មានទំហំពីរផ្សេងគ្នារួមមាន អេក្រង់៦.៧៥អ៊ីញ ចំពោះម៉ូឌែល Note 10 pro និង ៦.៣អ៊ីញសម្រាប់ម៉ូឌែល Note10។ ឆ្នាំនេះ Samsung អាចនឹងរចនាអេក្រង់ពេញជាមួយប្រភេទ Edge Screen សងខាង កាត់បន្ថយផ្ទៃគែមលើក្រោមអេក្រង់ឲ្យសល់តូចបំផុត បង្កប់កាមេរ៉ាមុខមួយគ្រាប់នៅចំកណ្តាលអេក្រង់ នេះបើតាមការចុះផ្សាយរបស់ The Verge។
ផ្នែកខាងក្រោយរបស់វាត្រូវបានរចនាឡើងស្រដៀងគ្នានឹង Galaxy S10ដែរ ដោយបំពាក់កាមេរ៉ាចំនួន៣គ្រាប់ ភ្ជាប់មកជាមួយសេនស័រប្រភេទ 3D time-of-flight ដែលមានមុខងារបម្លែងរូបភាពធម្មតាឲ្យទៅជារូបភាពបែប3D។ បើតាមទស្សនាវដ្តី Forbes បានចុះផ្សាយថា វាអាចមានតម្លៃចន្លោះ១,១០០ ទៅ១,២០០ដុល្លារ សម្រាប់ម៉ូឌែលដែលបំពាក់4G ហើយវាក៏មានម៉ូឌែលដែលបំពាក់បច្ចេកវិទ្យា5Gផងដែរ ប៉ុន្តែមិនទាន់ដឹងថាវាមានតម្លៃប៉ុន្មាន។
Note 10 រំពឹងថានឹងផ្លាស់ប្តូរលើ៤-៥ចំណុចធំៗរួមមាន ការរចនាថ្មី អេក្រង់ធំជាងមុន រ៉េមនិងកន្លែងផ្ទុកទិន្នន័យជំនាន់ថ្មី មានគេមតូច កាមេរ៉ាក្រោយច្រើន និងមុខងារសាកថ្មលឿន ដែលខ្សែស្រឡាយ Galaxy S មិនមាន។
ចំណុចដែលគួរឲ្យចាប់អារម្មណ៍ចុងក្រោយនោះគឺ Samsung អាចនឹងដករន្ធដោតកាសចេញពីគូទរបស់វា ដូចនេះមានន័យថា កន្លែងសាកថ្មរបស់វាអាចនឹងក្លាយជាកន្លែងដោតកាស ដែលស្រដៀងគ្នានឹង iPhone 7 Plus ដែរ៕