កាលពីថ្ងៃ ១ ខែ មិថុនា កន្លងទៅនេះ គឺជាថ្ងៃខួបកំណើតកូនស្រីបណ្ដូលចិត្តតែមួយគត់របស់តារាសម្ដែងស្រីលំដាប់ A របស់ប្រទេសចិន YangMi តែបែរជាមិនឃើញវត្តមាននាងទៅចូលរួម ខណៈលេចមុខថតកម្មវិធីនៅទីក្រុង Guang Zhouទៅវិញ ដែលធ្វើឲ្យមហាជនមានការរិះគន់យ៉ាងខ្លាំង ព្រោះមិនខ្វល់ពីកូនស្រីរបស់ខ្លួន។
យោងតាមសម្ដីរបស់លោកតាកូនស្រី YangMi ក្នុងកម្មវិធីខួបឆ្នាំនេះ ត្រូវបានធ្វើឡើងបែបសាមញ្ញ និងកក់ក្ដៅមានអ្នកចូលរួមតែ ១២ នាក់ប៉ុណ្ណោះ សុទ្ធតែជាអ្នកជិតស្និត។
មែនទែនទៅ បើជាមានការរិះគន់សព្វបែបយ៉ាងនៅលើបណ្ដាញសង្គម ថានាងជាម្ដាយដែលមិនយកទុកដាក់នឹងកូន គិតតែពីសប្បាយខ្លួនឯង និងមានស្នេហាជាមួយតារាប្រុសវ័យក្មេងក៏តារាស្រីនេះ មិនបានអើពើអ្វីដែរនៅតែបន្ដធ្វើការធម្មតា។ តែទោះជាយ៉ាងណាក៏មានអ្នកគាំទ្ររបស់តារាសម្ដែងស្រីរូបនេះ បានចេញមុខការពារថានេះជាកម្មវិធីដែលមានកាលវិភាគត្រឹមត្រូវមិនអាចបដិសេដផ្ដេសផ្ដាស់បានឡើយ ណាមួយជារៀងរាល់ឆ្នាំ អ្នកម្ដាយវ័យ ៣៤ ឆ្នាំរូបនេះមិនដែលខកខានចូលរួមអបអរថ្ងៃខួបកំណើតរបស់កូនខ្លួនឯងឡើយ គ្រាន់តែឆ្នាំនេះរវល់មិនបានទៅប៉ុណ្ណោះ៕
អត្ថបទដោយ៖ ស្រីពេជ្រ