ទោះបីស្ងាត់ពីការងារសិល្បៈក្តី ប៉ុន្តែតារាចម្រៀង កែវ វាសនា បានបើកហាងរកស៊ីកាក់កបខ្លាំងមែនទែន
តារាចម្រៀង កែវ វាសនា លោកអ្នកប្រាកដជាបានស្គាល់ច្បាស់ហើយ ជាអ្នកចម្រៀងមួយរូបដែលមានសម្លេងពិរោះក្រអួនក្រអៅធ្វើឲ្យអ្នកស្តាប់ជក់ចិត្តមិនណាយ ក្រោយពីការរៀបការរួចតារាចម្រៀងរូបនេះហាក់ដូចជាស្ងាត់ក្នុងវិស័យសិល្បៈខ្លាំងមែនទែន ហើយលោកបានងាកចាប់អាជីពរកស៊ីផ្ទាល់ខ្លួនវិញ។
ម្យ៉ាងវិញទៀតគេសង្កេតឃើញថា តារាចម្រៀង កែវ វាសនា មិនសូវជាលិចមុខនៅលើឆាកប្រគំតន្រ្តី ជាញឹកញាប់ក៏ដោយ តែតារាចម្រៀងប្រុសរូបនេះ បែរជាមានសន្ទុះក្នុងការរកស៊ីរបស់ ខ្លួន កាន់តែខ្លាំងទៅវិញ។
កាលពីថ្មីៗនេះ នៅលើបណ្តាញសង្គម គណនីហ្វេសប៊ុកផ្លូវការរបស់តារាចម្រៀងប្រុស លោក កែវ វាសនា បានបង្ហោះរូបភាពជាច្រើនពីការតុបតែងហាង របស់ខ្លួន មើលទៅពិតស្អាតនិងធំខ្លាំងតែម្ដង ទទួលបានការចាប់អារម្មណ៍ពីហ្វេនៗរបស់លោក ច្រើនមែនទែន។
គួររម្លឹកផងដែរ បើទោះបីជាលោក កែវ វាសនា មានភាពមមាញឹកជាមួយការងាររកស៊ីរបស់ខ្លួន ខ្លាំងយ៉ាងណាក៏ដោយ លោកនៅតែបន្តការងារសិល្បៈដដែល ដើម្បីបម្រើអារម្មណ៍ទស្សនិកជន ដែលជាគាំទ្ររបស់ខ្លួននាពេលកន្លងមក៕
