បច្ចុប្បន្ននេះតារាសម្ដែងថៃប្រុសលោក James Ma ទទួលបានការគាំទ្រយ៉ាងខ្លាំងពីសំណាក់មហាជន ពិសេសនោះគឺលោកទើបតែសម្ដែងរឿងភាគថ្មីមួយមានចំណងជើងថា «ក្លិនផ្កាសាឡង» កំពុងតែទទួលបានការចាប់អារម្មណ៍យ៉ាងខ្លាំង។
យ៉ាងណាមិញលោក James Ma ត្រូវបានមហាជនជាច្រើនស្គាល់លោក គឺជាតារាសម្ដែងប្រុសមួយរូប ដែលមានទេពកោសល្យខ្ពស់ មិនថាឈុតឆាតសម្ដែងពិបាកៗបែបណានោះទេ គឺលោកអាចសម្ដែងបានយ៉ាងល្អទាំងអស់។
ជាក់ស្ដែងថ្មីៗនេះ ស្រាប់តែកំពូលតារាសម្ដែងថៃស្រីជើងចាស់អ្នកនាង Chompoo Araya បានចេញមុខនិយាយរឿងភ្ញាក់ផ្អើលមួយអំពីលោក James Ma ថា «James បើឈុតត្រូវសម្ដែងពិបាកប៉ុនណា ក៏មិនចេះហត់នឿយដែរ ប៉ុន្តែថាបើឲ្យសម្តែងជាឈុតស្នេហាវិញគឺយ៉ាប់តែម្ដង»។
ពិតណាស់តាមរយៈពាក្យសម្ដីរបស់តារាស្រីរាមច្បងរូបនេះនិយាយចេញមក បានធ្វើឲ្យមហាជនជាច្រើនអស់សំណើច និងបាននាំគ្នាបង្អាប់លោកថា នៅទំនេរយូរពេកទើបគ្មានបទពិសោធន៍រឿងស្នេហាដូច្នេះ៕
អត្ថបទដោយ៖សុីវលី