ក្រោយពីវះកាត់កែសម្ភស្សរួចហើយ បេនីយ៉ាំង មិនហ៊ានសូម្បីតែមើលមុខខ្លួនឯង ព្រោះវាហាក់ដូចជាប្លែកខ្លាំងពេក
បន្ទាប់ពីបានធ្វើការពិនិត្យ និងវះកាត់ច្រមុះរួច ស្ថានភាពមុខរបួសរបស់ បេនីយ៉ាំង បានធូរស្បើយមួយកម្រិតទៅហើយ ប៉ុន្តែនាងស្ថិតនៅក្នុងការសម្រាកក្នុងបន្ទប់អ៊ុកស៊ីសែនរយៈពេល៦ម៉ោងទៀត ហើយនាពេលនេះច្រមុះរបស់នាងមានការប្លែកមែនទែន ដល់ថ្នាក់នាងមិនហ៊ានឆ្លុះកញ្ចក់មើលខ្លួនឯងទៀត។
ទន្ទឹមនឹងនេះដែរ តារាស្រីរូបនេះក៏បានធ្វើការទម្លាយពីអារម្មណ៍ពិតដែលនាងធ្លាប់មានពីមុន ស្របពេលដែលខ្លួនបានផ្លាស់ប្តូរខ្លាំង ក្រោយត្រូវមានបញ្ហាច្រមុះដែលត្រូវឆ្លងកាត់ការព្យាបាលជាច្រើនដង។ ដោយក្នុងនោះនាងបាននិយាយថា កាលពីមុននៅពេលដែលមានបញ្ហាបែបនេះ នាងមិនហ៊ានសូម្បីតែមើលមុខខ្លួនឯងនោះទេ ព្រោះមើលទៅប្លែកខុសពីធម្មតា។
យ៉ាងណាមិញបើតាមការៀបរាប់របស់នាង ច្រមុះរបស់នាងមានផ្លែ ដែលត្រូវវះកាត់ចេញ ស្របពេលដែលពីមុននាងបានឆ្លងកាត់ការវះកាត់បែបនេះច្រើនពេក រីឯឆ្អឹងត្រចៀក ចឹងជំនីជាច្រើនកន្លែង ក៏បានយកមកវះកាត់ដើម្បីបន្ថែមច្រមុះដែរ។ តែទោះជាយ៉ាងណាក្តីបណ្តាអ្នកគាំទ្រ ក៏បាននាំគ្នាអបអរនៅក្នុងការវះកាត់ជោគជ័យពេលនេះផងដែរ៕
