ជាការពិតណាស់ មិនថាតែសត្វឆ្កែ រឺក៏សត្វអ្វីក៏ដោយឲ្យតែយើងសម្រេចចិត្តថាចិញ្ចឹមហើយ វាប្រៀបបានដូចជាសមាជិកមួយនៅក្នុងផ្ទះរបស់យើងអញ្ចឹង ក្នុងករណីដែលមានបញ្ហាអ្វីកើតឡើងចំពោះសត្វទាំងអស់នោះ ច្បាស់ណាស់ថាអ្នកប្រាកដជាមិនសប្បាយចិត្តនោះទេ។ ចំណែកឯស្ថានភាពរបស់តារាសម្ដែងប្រុសរូបសង្ហារលោក Aum Atichart ក៏មិនខុសពីមនុស្សទូទៅដែរ ពោលនៅពេលដែលសត្វចិញ្ចឹមរបស់លោកងាប់ លោកក៏កើតទុក្ខ និងមិនសប្បាយចិត្ដដូចគ្នា។
យ៉ាងណាមិញ កាលពីថ្មីៗ កន្លងទៅនេះ តារាសម្ដែងប្រុសជើងចាស់រូបនេះ ក៏បានបង្ហោះរូបសត្វឆ្កែដែលលោកបានចិញ្ចឹមជាច្រើនសន្លឹកនៅលើបណ្ដាញសង្គមអ៊ីនស្រ្តាក្រាមផ្លូវការរបស់លោក ដោយក្នុងរូបភាពនោះគឺឃើញលោកឱបថើបជាមួយសត្វឆ្កែដែលជាសំណព្វចិត្តយ៉ាងស្និទ្ធស្នាលខ្លាំង ខណៈសត្វឆ្កែជាទីស្រឡាញ់ដែលលោកបានងាប់ចោលលោកទៅហើយ តារាប្រុសរូបនេះ ក៏បានបង្ហោះសារយ៉ាងក្រៀមក្រំចំពោះការបាត់បង់សត្វចិញ្ចិមជាទីស្រឡាញ់របស់លោកផងដែរ ៕
អត្ថបទដោយ៖ ស្រីពេជ្រ