Bill Gates ៖ ខ្ញុំ​បរិច្ចាគ​ទ្រព្យ​សម្បត្តិ​របស់ខ្លួន​ស្ទើរតែទាំង​អស់​ដើម្បីជួយ​ជនក្រីក្រ​ដោយ​មិន​ទុក​ឲ្យ​កូន​ៗខ្ញុំ​ ដោយ​សារ​ខ្ញុំ​មានមូលហេតុ​ទាំងនេះ​

0 119

លោក Bill Gates ដែលជា ស្ថាបនិកក្រុមហ៊ុន Microsoft និងជាមហាសេដ្ឋីមានបំផុតក្នុងលោក នឹងបរិច្ចាក ទ្រព្យសម្បត្តិ ជាង៩៦ពាន់លានដុល្លារអាមេរិក ដែលជាទ្រព្យសម្បត្តិស្ទើរតែទាំងអស់ ជួយប្រជាជនក្រីក្រជុំវិញពិភពលោក តែលោកមិនបានទុកឲ្យកូនៗនៅពេលដែលលោកស្លាប់ទៅ។

មានមនុស្សជាច្រើនបានចោទសួរថា ហេតុអ្វីបានជា មហាសេដ្ឋីរូបនេះ សុខចិត្តបរិច្ចាកទ្រព្យរបស់ខ្លួនទាំងអស់ សម្រាប់អំពើសប្បុរសធម៌ តែមិនព្រម ទុកឲ្យកូនៗជាទីស្រលាញ់របស់លោកបានទទួល មរតកដ៏ច្រើននេះ?

ឆ្លើយតបនឹងសំនួរ នេះ លោក Bill Gates បានពន្យល់ថា ថ្វីត្បិតតែកូនៗរបស់លោក មិនបានទទួលទ្រព្យសម្បត្តិចំនួន៨៥ពាន់លានដុល្លារក៏ពិតមែន តែលោកថា ពួកគេបានទទួលទ្រព្យច្រើនជាង៨៥ពាន់លានដុល្លាទៅទៀត។ លោកបាននិយាយថា ទ្រព្យដែលកូនៗលោកទទួលបាននោះគឺ ចំណេះដឹង។

លោក បន្តទៀតថា លោកបានផ្ដល់ឲ្យកូនៗរបស់លោកនូវ ការអប់រំយ៉ាងអស្ចារ្យបំផុត ដែលជាចំណេះដឹងជាប់នឹងខ្លួន ហើយចំណេះដឹងនេះ គឺជាទ្រព្យសម្បត្តិជាប់ខ្លួនសម្រាប់កូនៗរបស់លោក ពោលគឺ ចំណេះដឹងនេះជាទ្រព្យដ៏ច្រើនបំផុត ហើយពួកគេចាយច្រើនយ៉ាងណាក៏មិនចេះអស់នៅ ជាពិសេសទ្រព្យនេះមិនមានអ្នកណាអាចយកបាននោះទេ ពោលគឺអាចចាយបានអស់មួយជីវិត។

បុរសវ័យ៦៣ឆ្នាំរូបនេះ បានសង្កត់ធ្ងន់ថា កូនៗរបស់លោក នឹងមិនធ្លាក់ខ្លួនក្រតោកយ៉ាកនោះទេ ព្រោះពួកគេមានចំណេះដឹង ដែលអាចឲ្យពួកគេមានសមត្ថភាព ក្នុងការប្រកបរបរចិញ្ចឹមជីវិតបានយ៉ាងងាយស្រួល។ ចំណែកកូនៗ ទាំង៣របស់លោក មានមោទនភាពណាស់ ចំពោះការសម្រេចចិត្តរបស់លោក ក្នុងការបរិច្ចាគប្រាក់របស់លោក ដើម្បីជួយដល់ជនក្រីក្រ។

គួរជម្រាបផងដែរ លោក Bill Gate មានភរិយា ឈ្មោះ Melinda Gates នឹងមានកូន៣នាក់ ប្រុស១ ស្រី២។ លោកនឹង ភរិយារបស់លោក បានបង្កើតអង្កការមូនធិមួយ ឈ្មោះថា bill& Melinda Gates Foundation ក្នុងបំណងជួយប្រជាជនក្រីក្រជុំវិញពិភពលោក ដើម្បីប្រយុទ្ធប្រឆាំងនឹង ភាពក្រីក្រ ភាពអត់ឃ្លាន នឹងជំងឺផ្សេងៗជាដើម៕

Loading...