អ្នកខ្លាំង២នាក់ស្ថិតនៅលើទីប្រកួតដូចគ្នា ប្រាកដជាមានម្នាក់ត្រូវចាញ់
ការឈ្នះចាញ់មិនអាចកំណត់បានភ្លាមៗទេ បើមនុស្សយើងមិនទាន់អស់សង្ខារទេ មានន័យថាអ្វីៗ អាចនឹងប្រែប្រួលបានគ្រប់ពេល។ ដូចជាសម័យមុនខ្មែរយើងជាមហាណាចក្រ ជាមហានគរ និងជាអ្នកគ្រប់គ្រងអំណាចដ៏ធំនៃអាណាចក្រខ្មែរ និងមានគ្រឹះវប្បធម៌ដ៏អស្ចារ្យ តែសម័យកាលក្រោយមកទៀត ក៏ធ្លាក់ចុះខ្សោយបន្តិចម្តងៗ ដោយសារបញ្ហានានា ដូចជាជម្លាំងគ្នាឯង ក្នុងខ្សែរាជវង្សជាដើម ដែលធ្វើឲ្យសត្រូវមានឱកាសក្នុងការវាតទីយកទឹកដីយើង។
នៅក្នុងសម័យចិនបុរាណវិញ។ មាននៅត្រង់វគ្គមួយ ដែលជូកឺលៀង ដេញឲ្យសត្រូវស្ដាប់តែមួយបទ (ស៊ឺម៉ាអ៊ី) ក៏ដកទ័ពថយក្រោយទាំងភិតភ័យ ខណៈដែលជូកឺលៀងមានកងទ័ពរបួស និងចាស់ជរាក្នុងក្រុងជិត៣ពាន់នាក់ប៉ុណ្ណោះ។ ការណ៍នោះ បានធ្វើឲ្យមតិជាច្រើនគិតថា ស៊ឺម៉ាអុី ចាញ់ល្បិចកលរបស់ជូកឺលៀង និងភ័យខ្លាចជូកឺលៀងជាដើម។
ក៏ប៉ុន្តែយើងត្រូវដឹងថា បើមានអ្នកលេងល្ខោនដាេច់ខាតត្រូវតែមានអ្នកទស្សនាល្ខោន (អ្នកមើល) បើមិនដូច្នេះល្ខោននឹងលេងមិនល្អមើល និងឈប់លេងឲ្យយើងមើលទៀត។ ចំណុចដែល ស៊ឺម៉ាអុី ដកទ័ពថយក្រោយវិញ មានហេតុផល ២យ៉ាង។
ទី១ គឺអាចចាញ់ល្បិចជូកឺលៀង និងហេតុផលទី២ គេធ្វើជាល្ងង់ឲ្យជូកឺលៀងលេងល្ខោនបន្តទៀត ដើម្បីទុកឱកាសដល់ខ្លួនឯង ព្រោះស្តេចរបស់គេប្រើតែសាច់ញាតិខ្លួនប៉ុណ្ណោះ។ ប្រសិនបើ ស៊ឺម៉ាអ៊ី ឈ្នះជូកឺលៀងពេលនោះ គេនឹងត្រូវស្តេចគេឈប់ប្រើ ព្រោះអស់សត្រូវខ្លាំងទៀតហើយ៕