ជួយស៊ែផង ! ធ្វើជានគរបាលចរាចរណ៍ក្រុងភ្នំពេញជិត៣០ឆ្នាំទៅហើយ ធ្លាក់ខ្លួនឈឺគ្មានប្រាក់ព្យាបាលជំងឺទៀត
ភ្នំពេញ ៖ ពិតជាគួរឲ្យអាណិតអាសូរដល់នគរបាលចរាចរណ៍ក្រុងម្នាក់បម្រើការងារជាង៣០ឆ្នាំហើយ ពេលនេះធ្លាក់ខ្លួនឈឺធ្ងន់ធ្ងរគ្មានលទ្ធភាពព្យាបាលនោះទេ ហើយមន្ត្រីនគរបាលចរាចរណ៍រូបនេះមានឈ្មោះ ពត ថេង ឋានន្តរសក្តិជាអនុសេនីយ៍ឯក ទីលំនៅក្នុងភូមិកោះដាច់ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ។
ជីវិតរបស់មន្ត្រីចរាចរណ៍រូបនេះ ធ្វើឲ្យអ្នកលេងបណ្តាញសង្គមសម្តែងក្តីអាណិតជាពន់ពេក និងសង្ឃឹមថាមានសប្បុរសជនជួយជំនួយដល់លោក និងព្យាបាលជម្ងឺឆាប់ជាសះស្បើយ។
បើតាមលោក តាំង គឹមឡេង បានសរសេររៀបរាប់ថា “សូមមេត្តាជួយដល់គាត់ផង គាត់បម្រើការងារជានគរបាលចរាចរណ៍ក្រុងជាង៣០ឆ្នាំហើយ ឥឡូវធ្លាក់ខ្លួនឈឺធ្ងន់ធ្ងរពុំមានលទ្ធភាពព្យាបាល គាត់មានទីលំនៅភូមិកោះដាច់ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ៕
