សូមប្រជាពលរដ្ឋមេត្តាប្រុងប្រយ័ត្ន ទឹកជំនន់ទឹកភ្លៀងកំពុងកើនឡើងរហូតដល់កម្ពស់១៣ម៉ែត្រ នៅដងស្ទឹងសង្កែ
បាត់ដំបង ៖ គិតត្រឹមថ្ងៃទី១១ ខែសីហា ឆ្នាំ២០១៩នេះ ទឹកជំនន់ទឹកភ្លៀងកំពុងមានការហក់ឡើងគួរឲ្យកត់សម្គាល់រហូតដល់កម្ពុស់១៣ម៉ែត្រ គេសង្កេតឃើញមានប្រជាពលរដ្ឋជាច្រើនគ្រួសារ ដែលរស់នៅតាមបណ្តោយដងស្ទឹងសង្កែក្នុងក្រុងបាត់ដំបងបាន និងកំពុងនាំគ្នាជញ្ជូនសម្ភារះ និងជម្លៀសកូនចៅដើម្បីរកទីទួលមានសុវត្ថិភាពផងដែរ។
លោក ឡុង ផលគុណ ប្រធានមន្ទីរធនធានទឹក និងឧតុនិយមខេត្តបាត់ដំបងបានបញ្ជាក់ប្រាប់សារព័ត៌មានយើងថា ដោយអំណាចទឹកភ្លៀងដែលធ្លាក់បន្ថែមមាននបរិមាណច្រើន នៅតាមតំបន់ព្រំដែនកម្ពុជា-ថៃ ក្នុងភូមិសាស្ត្រស្រុកសំឡូត បណ្តាលអោយទឹកនៅចំណុចសំណង់ពហុបំណងសេកសកកម្ពស់ទឹកឡើងខ្លាំង ដូច្នេះទើបមន្ទីរធនធានទឹកនិងឧតុនិយមខេត្តបាត់ដំបងយើងបើកទ្វារទឹកបន្ធូរស្ថានភាពទឹកអោយធ្លាក់ចុះមកក្រោមច្រើន។
ហើយកម្លាំងទឹកទាំងនេះនៅតែបន្តហក់ឡើងរហូតដល់រសៀលថ្ងៃដដែលនេះទឹកនឹងអាចថមថយស្រកចុះទៅវិញ៕