ពិធីការិនី ប៉ែន ស្រីពេជ្រ បង្ហោះវីដេអូចម្រៀងមង្គល និងសារយ៉ាងរំជើបរំជួយថ្ងៃខួបអាពាហ៍ពិពាហ៍១ឆ្នាំ!(មានវីដេអូ)
បើគិតមកដល់សព្វថ្ងៃនេះ ពិធីការិនីសំបូរប្រជាប្រិយភាពអ្នកនាង បែ៉ន ស្រីពេជ្រ រៀបមង្គលការមានស្វាមីអស់រយៈពេល១ឆ្នាំហើយ ហើយពេលនេះអ្នកនាងក៏កំពុងតែពរពោះកូននៅក្នុងផ្ទៃដែលជាកូនដំបូងរបស់ខ្លួនផងដែរ។
ជាក់ស្ដែងសម្រាប់ថ្ងៃខួបអាពាហ៍ពិពាហ៍១ឆ្នាំនេះ យើងបានឃើញពិធីការិនីរូបនេះ បានបង្ហោះវីដេអូចម្រៀងក្នុងថ្ងៃមង្គលរបស់ខ្លួន និងថែមទាំងភ្ជាប់ជាមួយសាររៀបរាប់យ៉ាងរំភើបបែបនេះថា៖
«Happy anniversary 1 ឆ្នាំ របស់នាងខ្ញុំ និង ស្វាមី ហើយក៏រីករាយឆ្នាំទី ៧ ដែលយើងស្គាល់គ្នា ពួកយើងគ្រាន់តែចង់រំឭកអនុស្សាវរីយ៍ បទចម្រៀង រូបភាពថ្ងៃអាពាហ៍ពិពាហ៍របស់យើងទាំងពីរ វាជាការចងចាំ ជាការតស៊ូចំពោះការខិតខំប្រឹងប្រែងរបស់យើង ឆ្នាំនេះមិនសុំអ្វីច្រើនទេ សុំសេចក្តីសុខ សុខភាពល្អ រកលុយបានច្រើន មួយទៀតគឺ ចំណងដៃគ្រាប់ពេជ្រតូចរបស់យើង សូមផ្ញើបទចម្រៀងនេះម្តងទៀត ជូនទៅដល់គូស្វាមីភរិយាណា ដែលត្រូវសាច់រឿងរបស់គាត់ គឺបុរសល្អ»
ក្រោយពេលឃើញបែបនេះ មហាជននិងហ្វេនៗជាច្រើនពិតជារំភើបចិត្ត និងបានជូនពរតារាស្រីរូបនេះ និងស្វាមីកាន់តែស្រលាញ់គ្នា ក៏ដូចជាឆាប់បានឃើញមុខកូនដំបូងរបស់ខ្លួនផងដែរ៕ តោះ! ទៅទស្សនារូបភាពនិងវីដេអូខាងក្រោមនេះទាំងអស់គ្នា៖
