ផ្អែមដូចស្ករ! គូម៉ា រៀបរាប់សារបែបនេះទៅកាន់គូស្នេហ៍នៅក្នុងថ្ងៃកំណើត!

ពីមួយថ្ងៃទៅមួយថ្ងៃចំណងស្នេហរវាងតារាចម្រៀងសំបូរប្រជាប្រិយភាពលោក គូម៉ា និងកញ្ញា ម៉ៅ គីមធីតា កាន់តែផ្អែមល្ហែមខ្លាំងឡើងៗ ស្រប់ពេលនេះហ្វេនៗជាច្រើនកំពុងតែអន្ទះសារ ចង់ឃើញថ្ងៃមង្គលអ្នកទាំងពីរថែមទៀតផង។

ជាក់ស្ដែងនៅថ្ងៃខួបកំណើតកញ្ញា គីមធីតា ឆ្នាំនេះ យើងបានឃើញលោក គូម៉ា ដែលជាគូស្នេហ៍បានបង្ហោះរូបភាពផ្អែមល្ហែមជាមួយគ្នា និងអមជាមួយសាររៀបរាប់យ៉ាងដូច្នេះថា៖

«រីករាយថ្ងៃកំណើតណាអូនសម្លាញ់ បងសូមជូនពរឱ្យមានសុខភាពល្អ មានសម្រស់កាន់តែស្រស់ស្អាត មានប្រាជ្ញាឈ្លាសវៃ សូមអូនជួបតែមនុស្សល្អៗ ជួបតែរឿងល្អៗក្នុងជីវិត ប្រាថ្នាអ្វីបានដូចសេចក្ដីបំណង លុយចូលឱ្យច្រើនៗ និងសូមឱ្យក្ដីស្រឡាញ់របស់ពួកយើងនៅតែស្រស់បំព្រងរហូតទៅ ហើយយើងនឹងកាន់ដៃគ្នាដើរទៅកាន់ឱ្យដល់គោលដៅដែលពួកយើងស្រម៉ៃ I love u my love happy birthday huni»

ក្រោយពេលឃើញបែបនេះ មិនថាហ្វេនៗនោះទេ សូម្បីតែមិត្តភក្ដិជាច្រើនក្នុងសិល្បៈលោកក៏លួចច្រណែន និងជូនពរឲ្យអ្នកទាំងពីរកាន់តែស្រលាញ់គ្នាខ្លាំងឡើងៗផងដែរ៕ តោះ! ទៅទស្សនារូបភាពខាងក្រោមនេះទាំងអស់គ្នា៖