អស់ស្ទះ! គ្រាន់តែមួយបទ Taew ដូរខោអាវអស់ ១០ឈុត ច្រើនជាង KPOP Idol ល្បីទៀត!
តារាសម្ដែងស្រីដ៏ល្បី Taew Nataphon ចេញមុខជាសិល្បករទោលដំបូងរបស់ផលិតកម្ម CH3MUSIC ដោយធ្វើការចេញនូវ MV របស់ខ្លួនមានចំណងជើងថា BABYBOO ។ តាមរយៈការចូលមើលចុងក្រោយនេះបានឡើងដល់ជិត ៣សែនដងហើយតាំងពី៧ម៉ោងដំបូង និងជាប់ចំណាត់ថ្នាក់លេខ៨លើយូធូប ។ យើងឃើញថា MV នេះមានការពេញចិត្តពីសំណាក់ហ្វេនជាច្រើនរូប តែក៏មានអ្នកមួយចំនួនបានបញ្ចេញមតិមិនពេញចិត្តដែរ។ សម្រាប់អ្នកដែលចូលចិត្ត គេក៏បានភ្ញាក់ផ្អើលយ៉ាងខ្លាំងចំពោះសមត្ថភាពរបស់ Taew ដែលធ្វើបានល្អគ្រប់យ៉ាង និងគួរឱ្យចាប់អារម្មណ៍ ទាំងការច្រៀង សម្ដែងលេងទឹកមុខ និងការរាំ ។
ផ្ទុយទៅវិញ ក៏មានមតិផ្សេងទៀតដែរ និយាយថាសម្លេង Taew នៅស្ទើរ ត្រូវធ្វើការអភិវឌ្ឍសម្លេងច្រើនទៀត ទោះជាយ៉ាងណាក៏មតិមួយផ្នែកតូចនេះក៏មិនអាចរាំងស្ទះដល់ Taew ក្នុងការបញ្ចេញទេព្យកោសល្យខ្លួនជាតារាចម្រៀងបានដែរ។
អត្ថបទដោយ៖ Eriya