😂😂 ប៉ាប៉ា Nottvisrut អ្នកនាំកូនប្រុសប្រដាល់ ម៉ាក់ម៉ាក់អ្នកថត ហើយហ្វែនៗអ្នកចាំអស់សំណើចជាមួយភាពក្បាលខូចរបស់ផាយុ!

ទស្សនិកជនផ្ទុះសំណើចក្អាកក្អាយទាំងកណ្តាលយប់ចំពោះខ្លីវីដេអូដែលតារាស្រី chomismaterialgirl បានបង្ហោះចូលក្នុងអ៊ិនស្តាក្រាមដើម្បីបង្ហាញពីសកម្មភាពហួសចិត្តដែលកើតមានឡើងនៅពេលដែលប៉ាប៉ាមានពេលនៅផ្ទះជាមួយកូនៗ។
នៅក្នុងខ្លីបនោះបង្ហាញថាលោក Nottvisrut កំពុងបបួលកូនៗប្រដាល់ជាមួយគាត់ ផ្តើមពីផាយុដែលដំបូងឡើយរឹងមាំណាស់វាយយកៗ ប៉ុន្តែបន្ទាប់ពីត្រូវប៉ាប៉ាម៉ាត់ត្រូវក្បាលមួយដៃស្រាប់តែស្រីថា “បានហើយអោយបងសាយហ្វាខ្លះផង!!” ហើយបន្ទាប់ពីសាយហ្វាចូលវ៉ៃផាយុប្តូរពីនិយាយសំលេងតិចៗគួរអោយអាណិតមកជាសម្លេងស្រែកខ្លាំងៗ ប្រាប់អោយបងវ៉ៃត្រង់នេះវ៉ៃត្រង់នោះ អោយធាក់ប៉ាប៉ាផងប្រកបដោយថាមពល (ធ្វើដូចអាជ្ញាកណ្តាល)។​
បន្ទាប់ពីបានចូលមើលវីដេអូដែលតារាស្រីផុសចូលក្នុងអ៊ិនស្តាក្រាម មិត្តភក្តិនឹងហ្វែនៗជាច្រើននាក់ចូលមកខមមិនអស់សំណើចព្រោះផាយុកំប្លែងផង ពេញចិត្តនឹងសកម្មភាពគ្រួសាររវាងប៉ាប៉ានឹងកូនៗផងយ៉ាងច្រើនសន្ធឹកសន្ធាប់។

អត្ថបទដោយ សា