មិនស្មានថាធំលឿនដល់ថ្នាក់នេះ! តួឯកស្រី Nune ទៅជួបអតីតកូនប្រុសក្នុងរឿង ធំសង្ហារក្លាយជាតារាល្បីបាត់…

ទីបំផុតក៏មានឱកាសបានជួបគ្នាសារជាថ្មីសម្រាប់ម្ដាយកូនក្នុងរឿងគូនេះ តែមួយព្រិចភ្នែកសោះកន្លងផុតទៅច្រើនឆ្នាំបាត់ទៅហើយថែមកូនប្រុសក៏ធំកម្លោះ មានមុខមាត់ស្រស់សង្ហារ និងរកឃើញអាជីពកាងារដែលខ្លួនស្រលាញ់ចាប់ផ្ដើមកាងារក្លាយជាអាយដលអ្នកចម្រៀងដែលកំពុងមានឈ្មោះបោះសំលេងមួយរូបផងដែរ។​

កូនប្រុសក្នុងរឿងរបស់តារាស្រី Nune Woranuch ដែលកំពុងនិយាយដល់រូបនេះក៏គឺតារាប្រុសវ័យក្មេងកំពុងក្លាយជាអាយដលមានឈ្មោះល្បីលោក Yorch Yongsin ទាំងគូធ្លាប់សម្ដែងរួមគ្នាក្នុងរឿងនាងឡាំយ៉ង ដោយមានតារាស្រីNune សម្ដែងជានាងឡាំយ៉ងហើយYorch បានសម្ដែងជាកូនប្រុសច្បងរបស់ឡាំយ៉ង។ ពេលនៅក្នុងរឿងជាកុមារ៉ាតូចមួយសោះ​ ពេលនេះធំឡើងខ្ពស់សង្ហារបាត់ទៅហើយ នៅឡើយតែតារាស្រី Nune ទេដែលនៅតែក្មេងស្រស់ស្អាតមិនព្រមប្រែប្រួលទៅតាមវ័យ។​ ហើយថ្មីៗនេះ Yorch ក៏បានធ្វើការប្រគំតន្រ្ដីចាប់អាជីពជាអ្នកចម្រៀងជាអាយដល តារាស្រី Nune ក៏បាននាំយកបាច់ផ្កាមួយបាច់ធំមកអបអរជីវិតកំពុងតែរីកចម្រើនជោគជ័យរបស់កូនប្រុសក្នុងរឿងនាងផងដែរ តោះមិនមែនជាម្ដាយកូនបង្កើតមែនទែន តែNuneក៏ស្រលាញ់ចូលចិត្តធ្លាប់បានឃើញតាំងពីតូចៗរួចមកហើយ។​

ប្រភព៖ Sanook

អត្ថបទដោយ៖ ស្រីល័ក្ខ