ចប់មិនល្អ គូស្នេហ៍តារាដែលធ្លាប់តែផ្អែមល្ហែម BestនិងTongtong ប្រកាសបែកគ្នាថែមកកាយប្រាប់ហេតុបែក…

ពិតដូចជាពត៌មានចចាមអារ៉ាមនិងអ្នកគាំទ្រសង្ស័យមែន គូស្នេហ៍តារាវ័យក្មេងក្នុងសិល្បៈថៃ គូរបស់តារាប្រុសលោក Tongtong Kitsakorn និងតារាស្រីនាង Best Rakwanee Kamsing ប្រកាសចែកផ្លូវគ្នាហើយពិតមែន ថែមលើកនេះមិនមែនដូចគូតារាដ៏ទៃដែលតែងនិយាយថាចប់គ្នាដោយល្អរាប់គ្នាត្រឹមជាមិត្តវិញនោះទេ តែជាការប្រកាសបញ្ចប់គ្នាដោយមូលហេតុក្បត់ចិត្ត។

ដោយគូនេះត្រូវបានអ្នកគាំទ្រសង្ស័យមកមួយរយះហើយថាចែកផ្លូវគ្នា ព្រោះមិនមានការបង្ហោះរូបគូដូចមុនថែមចុចunfollow IG គ្នាផងដែរ។ ហើយលើកនេះកាន់តែច្បាស់ក្រោយឪពុករបស់ Best បានចេញមុខមកឆ្លើយសំនួរជំនួសកូនស្រីថា Best បែកគ្នាជាមួយ Tongtong ហើយមែនមូលហេតុព្រោះខាងប្រុសក្បត់ចិត្តឃើញបណ្ដើរស្រីនឹងភ្នែក។ ថែមលើកនេះមិនមែនជាលើកទីមួយនោះទេ កូនស្រីក៏លើកលែងឲច្រើនលើកហើយ ម្ដងនេះសម្រេចចិត្តមែនទែនបែកគ្នា ឲTongtong រើឥវ៉ាន់ចេញពីផ្ទះ។ បន្ថែមពីនេះឪពុករបស់ Best បានបន្ដប្រាប់ថា Tongtong មកនៅផ្ទះលោករយះពេល២ឆ្នាំកន្លងមកនេះ មិនដែលជួយចេញលុយថ្លៃអ្វីនោះឡើយ តែកូនស្រីលោកជាអ្នករាប់រងទាំងអស់ប្រុសបែបនេះមិនសមជាប្រុសនោះទេ។

គួរបញ្ជាក់ផងដែរថា មុននេះគូរបស់ Tongtong និង Best ក៏ជាគូស្នេហ៍តារាវ័យក្មេងមួយគូក្នុងសិល្បៈថៃដែលមានអ្នកគាំទ្រច្រើនថែមទាំងពីរនាក់ក៏ផ្អែមល្ហែមជាខ្លាំងបង្ហោះរូបគូកៀតកើយឥតឈប់និងមានសម្ដែងរឿងជាតួឯកប្រុសស្រីរួមគ្នា ថែមខាងប្រុសក៏បានចូលមករស់នៅជាមួយក្រុមគ្រួសារខាងស្រីផងដែរក្នុងរយះពេលដែលស្រលាញ់គ្នា២ឆ្នាំកន្លងមកនេះ តែពេលនេះចំណងស្នេហ៍គូនេះបានបញ្ចប់ដោយប្រកាសបែកគ្នារួចហើយផងដែរ។

ប្រភព៖ Sanook

អត្ថបទដោយ៖ ស្រីល័ក្ខ