សង្ហាហើយមានលុយច្រើនមែន Nadech ជះលុយរាប់លានសាងសង់ទីលានបាល់ទាត់ជាគម្រោងមួយដ៏ធំអស្ចារ្យ! មានវីដេអូ
ក្រៅពីតារាសម្ដែងប្រុសរូបសង្ហាយ៉ាង Nadech Kugimiya ធ្វើការនៅក្នុងវិស័យសិល្បៈថតរឿង ថតពាណិជ្ជកម្មផ្សេងៗហើយ យើងនៅបានឃើញថាក្នុងឆ្នាំនេះសាម៉ីខ្លួនមានការរីកចម្រើនជាច្រើនផ្នែកធំៗទៀត ផ្ទះមួយខ្នងធំសាងសង់រួចរាល់ និងអាជីវកម្មដែលបានចូលរួមហ៊ុនជាមួយ Mak Prin និងមិត្តភ័ក្ដអ្នកក្រៅសិល្បៈជាច្រើននាក់ទៀត
ប៉ុណ្ណឹងនៅមិនទាន់អស់នោះទេ Nadech ស្រលាញ់ការហាត់ប្រាណដូច្នេះហើយទើបយើងតែងតែបានឃើញរូបភាពបង្ហាញសាច់ដុំកង់ៗជាញឹកញាប់ ហើយជាក់ស្ដែង Nadech ក៏បានរៀបគម្រោងអាជីវកម្មថ្មីដោយការបើកទីលានកីឡា ចំកណ្តាលទីក្រុង តំបន់ឯកម៉ាយ ដោយក្នុងនោះប្រធានបទបានបង្ហោះរូបនោះហើយនិយាយដូច្នេះ
“ជិតហើយបាទ ជាគម្រោងមួយទៀតដែលជិតក្លាយជាការពិតហយ “មជ្ឈមណ្ឌលអភិវឌ្ឍន៍សក្តានុពលអត្តពលិក” ដ៏ថ្មីស្រលាង @sporttechproth យើងមានឱកាសបានទៅមើលក្រៅប្រទេសគឺសុទ្ធតែមានកន្លែងទាំងអស់នេះដើម្បីហ្វឹកហាត់កាយសប្បទាអមជាមួយបច្ចេកវិទ្យា និងគោលការណ៍ណែនាំសម្រាប់ការបង្កើតអត្តពលិកជាច្រើន ពេលនេះដល់ពេលប្រទេសរបស់យើងម្ដងហើយ ក្រុមការងារយើងសង្ឃឹមថាគម្រោងការមួយនេះជាផ្នែកមួយទៀតដែលជួយលើកស្ទួយវិស័យកីឡាប្រទេសយើង អគុណ @sutee_hanui ដែលបានផ្ដល់ឱកាសអោយខ្ញុំជាចំណែកមួយ ក្នុងការធ្វើអោយក្ដីស្រម៉ៃកាលពីក្មេងៗបានសម្រេចការពិត”
អត្ថបទដោយ : នីត្តា
