ម្នាក់ចិន ម្នាក់កូរ៉េ! GongYoo និង TangWei ត្រៀមចាប់ដៃគូគ្នាសម្ដែងក្នុងខ្សែភាពយន្ដថ្មី

ជាការពិតទៅនេះ មិនមែនជាលើកទី ១ ដែលចិន និងកូរ៉េសហការគ្នាថតរឿងនោះទេ ក៏ប៉ុន្ដែលើកនេះ តារាសម្ដែងដែលបានត្រូវជ្រើសរើសឲ្យសម្ដែងរួមគ្នាគឺសុទ្ធសឹងតែជាតារាលំដាប់កំពូលប្រចាំប្រទេសដែលធ្វើឲ្យអ្នកគាំទ្រពិតជារំភើប និងរីករាយក្រោយពីបានទទួលនូវដំណឹងមួយនេះ។

យោងតាមប្រភពពត៌មាន Dramapanda បានឲ្យដឹងថា តារាសម្ដែងប្រុសឈ្មោះល្បី និងជាឯកប្រុសរឿង “Goblin” លោក GongYoo និងត្រៀមចាប់ដៃគូគ្នាជាមួយតារាស្រីជើងចាស់ល្បីឈ្មោះរបស់ប្រទេសចិន TangWei សម្ដែងក្នុងខ្សែភាពយន្ដ “Wonderland”។ ដោយឡែក ខ្សែភាពយន្ដមួយនេះ ក៏មានការចូលរួមសម្ដែងពីតារាជាច្រើនទៀតដូចជា Park Bogum, Bae Suzy, Choi WooShik, Jung Yu Mi ដែលសុទ្ធតែជាកំពូលតារាសម្ដែងល្បីឈ្មោះ និងមានទេពកោសល្យខ្ពស់។

យ៉ាងណាមិញ មិនទាន់មានពត៌មានច្បាស់លាស់នៅឡើយពីថ្ងៃចាប់ផ្ដើមថត និងចាក់បញ្ចាំង ប៉ុន្ដែគ្រាន់តែវត្តមានរបស់តួសម្ដែង ដែលត្រៀមលេចមុខនៅក្នុងខ្សែភាពយន្ដនេះ បានធ្វើឲ្យអ្នកគាំទ្រជាច្រើន ទន្ទឹងរង់ចាំយ៉ាងអន្ទះសារទៅហើយ។ ចំពោះពត៌មានបន្ថែមទាក់ទងនឹងខ្សែភាពយន្ដនេះ Today Sharing News នឹងជម្រាបជូននៅពេលក្រោយទៀត៕

អត្ថបទដោយ៖​ ស្រីពេជ្រ