ប្លែករហូត! ប្រទេសកូរ៉េចេញម៉ាសថ្មីបិទតែច្រមុះបើកមាត់ចំហរធ្វើឱ្យភ្ញាក់ពេញពិភពលោក

ជាការពិតណាស់ ជំងឺឆ្លងកូវីដ១៩ បានធ្វើឱ្យប្រទេសលោកមានការច្របូកច្របល់ក៏ដោយសារទៅណាមកណាក៏មានការលំបាក ហើយមិនអាចចេញទៅញ៉ាំនៅខាងក្រៅដោយធូរចិត្តបាន។ ហេតុនេះ​ហើយទើប ក្រុមហ៊ុនម៉ាស់នៅប្រទេសកូរ៉េបានធ្វើការច្នៃប្រឌិតបង្កើតម៉ាស់មួយដែលអាចពាក់បាននៅពេលដែលបរិភោគនៅតាមភោជនីយដ្ឋាន ដោយវាអាចជួយបិទច្រមុះហើយមិនមានបិទផ្នែកមាត់នោះទេ។ ម៉ាស់ប្រភេទនេះដែរ ក៏ចាប់ផ្ដើមល្បីពាសពេញផ្ទៃប្រទេស ហើយក៏ធ្វើឱ្យពិភពលោកមានការចាប់អារម្មណ៍ទៅលើការបង្កើតថ្មី។

គេឃើញថាមានមនុស្សមួយចំនួនពេញចិត្តនឹងម៉ាស់ប្រភេទនេះច្រើន តែក៏អ្នកមួយចំនួនធំទៀតមានការរិះគន់ដោយគិតថាម៉ាស់នេះមិនបានជួយអ្វីបាននោះទេ ហើយមានតែបង្ហិនលុយទៅវិញ។ ដោយសារតម្លៃម៉ាស់នេះមានតំលៃស្រដៀងនឹងម៉ាស់ធម្មតាដែលគឺមួយប្រអប់១០ម៉ាស់មានតម្លៃជិត៩ដុល្លារឯណោះ។ តាមវិទ្យាសាស្រ្តជំងឺកូវីដ គឺមិនត្រឹមតែឆ្លងតាមរយៈច្រមុះនោះទេតែខ្លាំងបំផុតនោះគឺតាមរយៈមាត់ ដូច្នេះហើយទោះជាម៉ាស់នេះមើលទៅមានលក្ខណៈច្នៃប្រឌិត តែក៏មិនមានន័យថាអាចការពារអ្វីបាននោះដែរ។