ធ្លាយព័ត៌មានសង្សារថ្មី Taew ជាហៃសូស្ដុកស្ដម ថែមទាំងជាអតីតសង្សារចាស់របស់ Woonsen ទៀតផង
បន្ទាប់ពីប្រកាសចែកផ្លូវគ្នាជាមួយគូស្នេហ៍រួចមក មានព័ត៌មានក៏ដូចជាមតិមហាជនជាច្រើនបន្តបន្ទាប់គ្នា បាននិយាយថារឿងស្នេហារបស់ Taew និង Ton អាចមកពីមានជនទី៣ចូលមកជ្រៀតជ្រែក ប៉ុន្តែព័ត៌មានមិនបានបញ្ជាក់ ថាជានរណាឲ្យប្រាកដនោះឡើយ។
ប៉ុន្តែថ្មីៗនេះ បើយោងតាមសាព័ត៌មានថៃ Nineentertain បានឲ្យដឹងថា Taew កំពុងតែមានទំនាក់ទំនងស្នេហាជាមួយបុរសសង្ហាអ្នកមានហៃសូស្ដុកស្ដមម្នាក់ឈ្មោះ Pranai Phornprapha ដែលលោកធ្លាប់ជាអតីតសង្សារ របស់តារាសម្ដែងថៃនាង Woonsen ទៀតផង។
ប្រភពព័ត៌មានដដែល បានឲ្យដឹងទៀតថា លោក Pranai Phornprapha ដែលត្រូវបានគេគិតថាជាសង្សារថ្មីរបស់ Taew ក៏ជាប្អូនប្រុសរបស់ Pok Phornprapha គូស្នេហ៍បច្ចុប្បន្នរបស់តារាស្រីជួរមុខនាង Aum Patchrapa នឹងជាមិត្តសម្លាញ់របស់លោក Sain ស្វាមីរបស់តារាថៃនាង Mew Nittha ផងដែរ។ យ៉ាងណាមិញ នៅមិនទាន់មានការបញ្ជាក់ឲ្យច្បាស់លាស់ពី Taew ជុំវិញរឿងនេះនៅឡើយទេ ដូចច្នេះមានតែត្រូវរង់ចាំការបកស្រាយពីតារាស្រីរូបនេះបន្តទៀត៕
