តារាប្រុសទាំង ៤ដួងនេះ មិនត្រឹមតែមានរូបរាងសង្ហា និងពូកែក្នុងការសម្តែងទេ ថែមទាំងច្រៀងពិរោះទៀតផង!

ទស្សនិកជនមួយចំនួន អាចពុំដឹងថាតារាសម្ដែងប្រុសមួយចំនួន ក្រៅពីមានសមត្ថភាពក្នុងការសម្ដែងបានយ៉ាងប៉ុនប្រសប់ ក្រៅពីនោះពួកគេថែមទាំងមានចំណេះដឹងខាងផ្នែកចម្រៀងផងដែរ។ ជាក់ស្ដែង ដូចជាតារាសម្ដែងប្រុសទាំង ៤រូបខាងក្រោមនេះ ទើបនឹងច្រៀងចម្រៀងថ្មីរបស់ពួកគេចេញសម្រាប់ Album ឆ្នាំ ២០២១ ។

១. James Jirayu

After Footer (Active) - damrei Mr1 Zone2

នៅថ្ងៃទី ២៦ ខែ មីនា តារាសម្តែងប្រុស James Jirayu បានទម្លាក់បទចម្រៀងដំបូងរបស់គេដែលមានចំណងជើងថា «Pen Prajum» នៅក្នុង YouTube ផ្លូវការរបស់គេ។ អាល់ប៊ុមដំបូងរបស់ James ដែលមានឈ្មោះថា «JAMESJI 1ST ALBUM: See More» រួមមានបទចម្រៀងចំនួន ៥ បទគឺ «Pen Prajum» « Khoi Khoi Pai» «Wang Jai» «Kwa Ja Mee … Tur» និង «Due» ។

២. Mew Suppasit

តារាសម្តែងប្រុសសង្ហា Mew Suppasit ទើបតែចេញបទចម្រៀងថ្មី «Thanos» នៅថ្ងៃទី ១៤ ខែមីនា ឆ្នាំ ២០២១ ។ ដូចគ្នានេះផងដែរ តារាវ័យក្មេងរូបនេះបានឈ្នះពានរង្វាន់សម្រាប់បទ « Thanos » នៅក្នុងកម្មវិធីតន្រ្តី T-POP Stage ។

៣. August Vachiravit

តារាសម្តែងប្រុស ដែលកំពុងមានប្រជាប្រិយភាពរូបនេះ បានច្រៀងបទ OST «Kor Cheua Jai Tua Eng» សម្រាប់ខ្សែភាពយន្តរឿង «Mae Krua Kon Mai»។

៤. Bright Vachirawit

ប្រុសសង្ហា Bright បង្ហាញពីជំនាញច្រៀងរបស់គេ នៅក្នុងបទចម្រៀងថ្មី «Sad Movie» រួមជាមួយតារាចម្រៀងដ៏ល្បី F.HERO ។ គួររម្លឹកផងដែរថា បទចំរៀងថ្មីនេះបានឈ្នះពានរង្វាន់ «តន្ត្រីប្រចាំសប្តាហ៍» ពីកម្មវិធី T-POP Stage៕