ទឹកចិត្តកូន! វ៉ាង ស្រីណូ នៅតែធ្វើរឿងបែបនេះ ទោះឪពុកចែកឋានទៅរយៈពេល១ខែហើយក៏ដោយ!

ជាការពិតណាស់ ក្រោយពេលឪពុកទទួលមរណៈភាពទៅ យើងសង្កេតឃើញអតីតតារាសម្ដែង វ៉ាង ស្រីណូ នៅតែនឹករំលឹកដល់ឪពុក និងតែងតែបង្ហោះសាររៀបរាប់ទាំងក្ដីនឹករលឹកទៅកាន់លោកជានិច្ច។

យ៉ាងណាមិញនៅប៉ុន្មានម៉ោងមុននេះ យើងបានឃើញអតីតតារាសម្ដែងស្រីរូបនេះ បានបង្ហោះរូបភាពជាមួយនិងសំណែនសែនជូនឪពុកក្នុងថ្ងៃខួបគម្រប់២៨ថ្ងៃ និងបានសរសេរសាររៀបរាប់យ៉ាងដូច្នេះថា៖

«គម្រប់២៨ថ្ងៃរបស់ប៉ា! ថ្ងៃនេះ កូនរៀបចំម្ហូបដែលប៉ាចូលចិត្តជូនប៉ាពិសារ ទោះកាលៈទេសៈបែបណាក៏កូនមិនចោលប៉ាដែរ សូមប៉ាពិសារឲ្យឆ្ងាញ់»

ក្រោយពេលឃើញបែបនេះ មហាជននិងហ្វេនៗជាច្រើនពិតជាក្ដុកក្ដួល ព្រោះឃើញតារាស្រីរូបនេះ នៅតែនឹករំលឹក និងធ្វើការកាន់ទុក្ខចំពោះវិញ្ញាណក្ខន្ធឪពុក ទោះលោកចែកឋានទៅរយៈពេល១ខែហើយក៏ដោយ៕ តោះ! ចង់ជ្រាបច្បាស់ ទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖ស៊ីវលី