ទីបំផុត! Bee Namthip ចេញមុខបកស្រាយរឿងដែលចោទប្រកាន់ថាដណ្តើមប្តីគេហើយ!
ជាការពិតណាស់ ថ្មីៗនេះ មហាជាច្រើនកំពុងតែចាប់អារម្មណ៍រឿងដែលថា តារាសម្ដែងថៃស្រីសំបូរប្រជាប្រិយភាព Bee Namthip ត្រូវបានគេចោទប្រកាន់ថាចូលជ្រៀតជ្រែក មានទំនាក់ទំនងជាមួយលោក Fluke ខណៈដែលអតីតភរិយាទើបតែសម្រាលកូនបានមួយខែតែប៉ុនណោះ។
តែយ៉ាងណាមិញ ក្រោយពេលព័ត៌មាននេះលេចលឺចេញទៅកាន់តែខ្លាំង ស្រាប់តែថ្មីៗនេះ តារាស្រី Bee Namthip បានចេញមុខបកស្រាយយ៉ាងដូច្នេះថា៖
«បើនិយាយឱ្យចប់ទៅ នាងមិនបាន ស្គាល់លោកFluke នៅក្នុងខែតុលា ដូចដែលភរិយាFluke និយាយនោះទេ តែនាងស្គាល់គ្នា នៅក្នុងខែវិច្ឆិកា ចំណែករឿងនំខេកនោះ គឺដំបូងឡើយនាងគ្រាន់តែផុសប្រូម៉ូតនៅក្នុងIG របស់នាងតែប៉ុណ្ណោះ ស្រាប់តែពេលនោះលោកFluke ក៏សួរនាំចង់ទិញ តែនាងក៏មិនបានលក់នោះទេ ដោយឱ្យលោកហ្វ្រី គ្រាន់តែលោកជួយ ប្រម៉ូតនាងនៅក្នុងIG តែប៉ុណ្ណោះ ចំណែកឯរឿងចចាមរ៉ាម ថានាងផ្ញើខេកឱ្យទៅអ្នកផ្ទះFluke ដើម្បីអបអរកូនដែលកើតមកនោះមិនពិតទេ ព្រោះនាងមិនបានដឹងឡើយ ថាលោកFluke មានកូនឬក៏អត់នោះ ព្រៅហមិនដែល ឃើញបង្ហោះរូបកូន មួយទៀតរឿងដែលនាងទៅផ្ទះFluke នៅថ្ងៃទី២ មេសា នោះវាជារឿងពិត ហើយពេលនោះ នាងក៏បានជួបម្តាយFluke និងជំរាបសួរគាត់ធម្មតា ដូចទៅតាម អ្នកស្គាល់គ្នាផងដែរ»
មិនត្រឹមតែប៉ុនណោះ Bee ថែមទាំងនិយាយទៀតថា រូបនាងនិងលោកFluke គឺពិតជាមាន ទំនាក់ទំនងជាមួយគ្នាពិតមែន តែពាក្យដែលថានាងជាជនទី៣នោះគឺមិនពិតនោះទេ ព្រោះ Fluke បានប្រាប់ថាលោកនិងអតីតភរិយាបានចែកផ្លូវគ្នាតាំងពីថ្ងៃទី២មេសា ឆ្នាំ២០២១មកម្ល៉េះ ហើយមូលហេតុនាងក៏មិនបានដឹងដែរ ហើយនាងចេញមុខបកស្រាយនេះ ក៏មិនមែនចង់ឈ្នះឬចង់មានបញ្ហាអ្វីដែល គ្រាន់តែចង់បញ្ជាក់ការពិតបែបណាប៉ុនណោះ៕
សូមទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី