ហ្វេនៗកំពុងបារម្ភ! អ៊ុន សុធា ស្រាប់តែធ្លាក់ខ្លួនមានជម្ងឺច្រើនមុខក្នុងពេលតែមួយ!

កាលពីពេលថ្មីៗនេះ មហាជននិងហ្វេនៗជាច្រើនបាននាំគ្នាបង្ហាញការបារម្ភ នៅពេលឃើញតារាសម្ដែងរូបសង្ហាលោក អុ៊ន សុធា បានបង្ហោះរូបភាពនិងសារនៅក្នុងបណ្ដាញសង្គម អរគុណទៅកាន់ហ្វេនៗ និងបញ្ជាក់ថាខ្លួនកំពុងតែមានជម្ងឺក្នុងខ្លួនច្រើនមុខ និងកំពុងសម្រាកព្យាបាលយ៉ាងយកចិត្តទុកដាក់ទៀតផង។

ក្នុងនោះលោកបានរៀបរាប់ថា៖

«អរគុណ​ពុកម៉ែបងប្អូនដែលបារម្ភនឹងខលសួរសុខទុកដល់ខ្ញុំ​ ខ្ញុំ​បានធូរបន្តិចហេីយ​ ជិតបានចេញពីពេទ្យហេីយ​ ឈឺលេីកនេះច្រេីនមុខសរុបហ្មង (​រលាក​ក្រពះ​ ពោះវៀន​ គ្រុនឈាម​ គ្រុនចាញ់​)​»

តាមរយៈការបង្ហោះនេះ ធ្វើឲ្យមហាជន ហ្វេនៗ និងមិត្តភក្ដិជាច្រើនរបស់លោកនៅក្នុងបណ្ដាញសង្គមបាននាំគ្នាចូលរួមលើកកម្លាំងចិត្ត និងជូនពរលោកឲ្យឆាប់ជាសះស្បើយគ្រប់ៗគ្នាទៀតផង៕ តោះ! ទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖ស៊ីវលី