ស៊េរីចាស់បានស្គាល់គាត់! ម្ចាស់បទ «អូនទៅភ្នំពេញ» លោក មួន ម៉ារ៉ា មុខមាត់ពេលនេះប្រែប្រួលយ៉ាងណាសហើយ??
ជឿជាក់ថា ប្រិយមិត្តប្រហែលជានៅចាំបានអំពីតារាចម្រៀងប្រុសដ៏ល្បីម្ចាស់បទ «កាដូឥតន័យ» គឺលោក មួន ម៉ារ៉ា ដែលកាលពីជាង ១០ឆ្នាំមុន តារាប្រុសរូបនេះពិតជាមានសន្ទុះនៃការគាំទ្រពីមហាជនច្រើនខ្លាំងមែនទែន ដោយសារតែលោកមានទាំងសម្លេងពីរោះ និងថែមទាំងមានរូបរាងសង្ហាផងដែរ។
ជាមួយគ្នានេះ ទន្ទឹមនឹងពេលកំពុងមានឈ្មោះល្បីល្បាញ មួន ម៉ារ៉ា ស្រាប់តែស្ងាត់ពីសិល្បៈទាំងស្រុង ដោយគេកម្រឃើញលោកលេចមុខតាមឆាកតន្ត្រីដូចមុនទៀតណាស់ ពោលគឺលោកបានងាកទៅសាងជីវិតគ្រួសារយ៉ាងស្ងប់ស្ងាត់ផ្ទាល់តែម្ដង។
យ៉ាងណាមិញ បើនិយាយពីជីវិតឯកជនរបស់តារាប្រុសរូបនេះជាមួយគ្រួសារវិញ ហ្វេនៗក៏នៅតែតាមដាននិងចាប់អារម្មណ៍រាល់គ្រប់សកម្មភាពនៅលើបណ្ដាញសង្គមរបស់ពួគគេផងដែរ។ ដោយក្នុងនោះ យើងឃើញថា សព្វថ្ងៃអតីតតារាប្រុសរូបនេះ
បានមានកូនពីរនាក់ទៅហើយ ហើយគ្រួសាររបស់លោកទៀតសោត ក៏បានរស់នៅជាមួយគ្នា ដើរលេងជុំគ្នាប្រើជីវិតយ៉ាងសាមញ្ញៗ តែមើលទៅពិតជាមានក្ដីសុខ និងមានសុភមង្គលខ្លាំងមិនចាញ់អ្នកនៅក្នុងរង្វង់សិល្បៈផ្សេងៗទៀតប៉ុន្មាននោះឡើយ។
តារាប្រុសរូបនេះ មានបទចម្រៀងល្បីៗរបស់លោក ដែលត្រូវបានមហាជននៅស្តាប់រហូតមកទល់ពេលបច្ចុប្បន្នមានដូចជាបទ «កាដូឥតន័យ» បទ «បងជាបន្លាក្នុងទ្រូង» បទ «អូនទៅភ្នំពេញ» បទ «សូលីដា» បទ «ចង់ដឹង» និង បទជាច្រើនទៀត។
សព្វថ្ងៃនេះ លោក មួន ម៉ារ៉ា មានអាយុ ៤៤ ឆ្នាំហើយ គឺនៅមិនសល់ប៉ុន្មានឆ្នាំទៀតទេ លោកកើនវ័យដល់ទៅ ៥០ ឆ្នាំ ទៅហើយ តែសម្រស់របស់លោកគឺ មិនសូវចាស់ប៉ុន្មានទេ នៅតែសង្ហាដដែលតែម្ដង៕ សូមមើលរូបភាពខាងក្រោម៖
