នៅទីបំផុតបង្ហាញមុខហើយ! ម្តាយតារាស្រី Kwan Usamanee យល់ព្រមបង្ហាញមុខអនាគតកូនប្រសារប្រុសហើយ ឋានៈហំហួនមិនធម្មតា
កាលពីមុននេះបន្តិច ខាងគេហទំព័រសករាជយើងខ្ញុំបាននាំយករឿងរបស់តារាស្រី Kwan Usamanee មកចុះផ្សាយទាក់ទិននឹងមិត្តប្រុសថ្មីរបស់នាង ក្រោយកាលពីប៉ុន្មានថ្ងៃមុនតារាស្រីរូបនេះបានចេញមកផ្តល់បទសម្ភាសន៍និយាយពីភិនភាគរបស់បុរសដែលជាគូស្នេហ៍របស់នាង ។
ក្រោយមកមហាជនក៏បាននាំគ្នាចូលទៅឆ្លុះមើល IG របស់ Kwan ពួកគេក៏ប្រទះភ្នែកលើបុរសម្នាក់ដែលឈរក្បែរនាងមិនឃ្លាតសូម្បីមួយប៉ុស្ត ហើយសង្ស័យថាប្រហែលជាបុរសរូបនេះហើយព្រោះមុននេះ Kwan បានលើកឡើងថា ៖
“គាត់ពូកែ ហើយឆ្លាត និងស្រលាញ់យុត្តិធម៌ណាស់ នៅពេលដែលមនុស្សចូលមកក្នុងជីវិតរបស់ខ្ញុំ ជាចម្បងវាប្រហែលជាស្រដៀងនឹងអ្វីដែលខ្ញុំជាប់ស្អិត ដូច្នេះខ្ញុំមានអារម្មណ៍ថាគោរពបុរសម្នាក់នេះណាស់ គាត់មិនមែនជាប៉ូលីស ឬមន្ត្រីរដ្ឋាភិបាលទេ គាត់ជាមនុស្សល្អក្នុងអាជីពរបស់គាត់ គាត់គឺជាអំណោយ របាំងមុខ Tuxedo ព្រោះខាងស្រីជា Sailor Moon” ។
ក្រោយមកអ្នកនិយមលេងអ៊ីនធឺណិតបានទៅស៊ើបដឹងមកថា បុរសរូបនេះជាអនុសេនីយ៍ទោ Thanakrit Chitrareerat រដ្ឋលេខាធិការក្រសួងយុត្តិធម៌ ។
ដើម្បីស្រាយចម្ងល់ ថាតើបុរសនៅក្នុងរូបពិតជាគូស្នេហ៍របស់តារាស្រី Kwan ពិតឬអត់? ខាងសារព័ត៌មានថៃ Thairath ក៏បានទាក់ទងទៅសាកសួរ Mae Aew (ម្តាយរបស់ Kwan) គាត់បាននិយាយថា “ពិតមែនហើយ” គឺពិតជាម្នាក់នេះហើយដែលម្តាយខាងស្រីយល់ព្រមបើកភ្លើងខៀវនោះ ៕
ប្រភព៖ Thairath