ទើបតែកើតថ្ងៃមុនសោះ ឥលូវកូនស្រីរបស់ម៉ាក់ៗ Mew មានអាយុ ២ខែទៅហើយ!

ជាការពិតណាស់ កូនគឺជាទ្រព្យមួយដ៏មានតម្លៃ ហើយក៏ជាផ្នែកមួយដែលធ្វើអោយគ្រួសារមួយមានសុភមង្គលកាន់តែខ្លាំងឡើង។ តារាស្រីដែលមានស្នាមញញឹមគួរអោយស្រឡាញ់ Mew ក៏កំពុងតែមានក្តីសុខយ៉ាងខ្លាំងជាមួយនឹងគ្រួសារតូចរបស់នាង។បើក្រឡេកទៅមើលលោកឪពុកថ្មីថ្មោងគឺលោក Saint តាំងពីបានក្លាយជាឪពុករបស់គេមក ដូចជាញញឹមបិទមាត់មិនជិតសោះ។ មានមហាជនជាច្រើនបានស្រឡាញ់និងកោតស្ងប់ស្ញែញទៅដល់ក្តីស្នេហារបស់អ្នកទាំងពីរ តាំងពីចាប់ផ្តើមពីងារថាជាគូស្នេហ៍រហូតក្លាយជាប្តីប្រពន្ធនឹងគ្នា។
ហើយសម្រាប់អូន Marin ដែលជាគ្រាប់ពេជ្រដ៏មានតម្លៃរបស់គូស្វាមីភរិយាតារាស្រី Mew វិញពេលនេះធំលឿនណាស់ហើយតើ តែមួយប៉ព្រិចភ្នែកសោះអូន Marin បាន២ខែទៅហើយ។

រីឯមុខមាត់វិញស្រស់ស្អាតកាត់ទៅតាមប៉ាៗនិងអ្នកម៉ាក់ខ្លាំងណាស់ ហើយពេលប៉ាៗ Saint បានបីកូនស្រីសំណព្វចិត្ត រូបថតមួយណាក៏ញញឹមបិទមាត់មិនជិតតែម្តងហើយ៕