ចេញមុខហើយ! តើ Ploy Pattakorn ជាជនទីបីរវាង Weir និង Bella មែនឬ?

ជាការពិតណាស់ រឿងដែលតារាសម្ដែងប្រុសល្បី Weir Sukollawat និងតារាស្រីកាត់អង់គ្លេស Bella Ranee បញ្ចប់ទំនាក់ទំនងស្នេហាធ្វើឱ្យហ្វេនៗរបស់ពួកគេមិនអស់ចិត្តនោះឡើយ ដោយគេគិតថាអ្នកទាំងពីរសេពគប់គ្នាយូរណាស់មកហើយក៏សមគ្នាខ្លាំងផងដែរ។ ទោះបីតារាទាំងពីរបញ្ជាក់ថា ពួកគេបែកគ្នាដោយសន្តិភាព តែមានហ្វេនមួយចំនួនធំគិតថាច្បាស់ជាមានជនទី៣ ចូលមកទំនាក់ទំនងស្នេហារបស់អ្នកពីរជាក់ជាមិនខាន។

ក្នុងនោះដែរ គេក៏ឃើញមានការវាយប្រហារពាក្យសម្ដីរបស់ហ្វេន Bella ទៅលើតារាស្រីវ័យក្មេង Ploy Pattakorn នៅពេលដែលគេបានទៅជីកកកាយរូបចាស់ៗ ។ ម្ចាស់ខ្លួន Ploy ក៏បានតបថាខ្លួនមិនបានពាក់ព័ន្ធនឹងរឿងទំនាក់ទំនងរបស់ Weir និង Bella ទាល់តែសោះ ។​

ទោះជាយ៉ាងណា ក៏ហ្វេនៗនៅតែមិនជឿហើយធ្វើការ comment​ តាម IG របស់ Ploy ដោយប្រើប្រាស់ពាក្យអាក្រក់វាយប្រហារលើនាងទាំងគ្មានមូលហេតុ។ ហេតុនេះហើយ Ploy ក៏មិនបាននៅស្ងៀមនោះដែរ នាង ក៏បានជួលក្រុមមេធាវីមួយក្រុមដើម្បីប្ដឹងអ្នកដែលថាស្ដីឱ្យនាងដោយគ្មានមូលហេតុ ហើយគេក៏ឃើញមានចំនួនដល់២០នាក់ឯណោះ។