គួរឱ្យស្រលាញ់ណាស់! BTS V ទៅគាំទ្រមិត្តភក្ដិសម្លាញ់ Choi Woo Shik ដល់កន្លែងថត!

សិល្បៈករកូរ៉េល្បីប្រចាំពិភពលោក V ដែលជាសមាជិករបស់ក្រុម BTS ត្រូវបានគេស្គាល់ថាជាមនុស្សដែលមានមិត្តភក្ដិតារាច្រើន ហើយក៏រាប់អាននរណាគេក៏ស្មោះអស់ពីចិត្ត។ ទន្ទឹមនឹងនេះដែរ គេក៏ឃើញថា V បានទៅលេងមិត្តភក្ដិសម្លាញ់របស់ខ្លួន គឺតារាសម្ដែងល្បីប្រចាំកូរ៉េ Choi Woo Shik ដល់កន្លែងថត នៅកំឡុងពេល ដែល Woo Shik កំពុងតែថតរឿងភាគល្បីពេលបច្ចុប្បន្ននេះ គឺរឿង Our Beloved Summer។

ជាការពិតណាស់គេឃើញ V បានធ្វើការគាំទ្រ Woo Shik តាំងពីដើមមកដោយធ្វើការតែងបទ និងច្រៀង OST ឱ្យ រឿង Our Beloved Summer ដែលមានចំណងជើងថា Christmas Tree ល្បីរហូតជាប់ចំណាត់ថ្នាក់ក្នុង Billboard។

សម្រាប់ Choi Woo Shik ជាតារាសម្ដែងដែលកំពុងតែល្បីនិងមានស្នាដៃល្បីៗជាច្រើន ដូចជារឿង Train To Busan និង រឿង Parasite ជាដើម សុទ្ធតែជារឿងជាប់ចំណាត់ពិភពលោក និងត្រូវបានគេទទួលស្គាល់ថាជាតារាដែលមានទេពកោសល្យខ្ពស់ក្នុងការសម្ដែង។