ការយល់ច្រលំធំ! Pat Napapa ត្រូវបានគេរិះគន់ថាមិននៅព្យាបាលកូវីដបែជាទៅដើរលេងប៉ាតាយ៉ា

តារាសម្ដែងស្រីមេម៉ាយកូនមួយ Pat Napapa បានត្រូវគេលើកឡើងយកមកនិយាយម្ដងទៀតបន្ទាប់ពីរឿងដែលនាងមានកូវីដ១៩ រួមមក តែកូនរបស់នាងមិនអីហើយត្រូវមើលថែដោយមិត្តប្រុសរបស់ខ្លួន​ Naphat។ ថ្មីៗនេះដែរ គេក៏ឃើញថានាងបានបង្ហោះរូបភាពនៅសមុទ្រហើយ check in នៅឯប៉ាតាយ៉ា ដែលធ្វើឱ្យអ្នកលេងអ៊ីនធើណេតមានការឆ្ងល់ដោយសារតែនាងទើបនឹងទទួលការព្យាបាលអាទិត្យមុននេះសោះ។

ហើយក៏មានមតិរិះគន់មួយចំនួនដែលចោទថានាងមិននៅមើលថែរក្សាខ្លួនដើម្បីព្យាបាលទេបែរជាដើរលេងទៅវិញដែលអាចនាំឱ្យឆ្លងគេក៏ថាបាន។

ទន្ទឹមនឹងការរិះគន់និងសំណួរជាច្រើនដែលថានាងជាដាច់ហើយ ឬនេះគ្រាន់តែរូបចាស់តែប៉ុណ្ណោះ។ Pat ក៏បានចេញមុខបកស្រាយចម្ងល់អស់ទាំងនោះដោយប្រាប់ថានាងគ្រាន់តែបង្ហោះរូបចាស់របស់ខ្លួននោះទេ ហើយពេលនេះនាងក៏បានជាសះស្បើយហើយដែរ ព្រមទាំងត្រៀមខ្លួនចាប់ផ្ដើមសម្ដែងតទៅទៀត។

អត្ថបទដោយ៖ Eriya