លេចរូបភាពពិធីមង្គលការ Hyun Bin និងSon Ye Jin នៅរីសតទំនើបតម្លៃកប់ពពកអ្នកចូលរួមសុទ្ធតែកំពូលតារា !

ការផ្លាស់ប្តូរស្ថានភាពពីគូស្នេហ៍ ទៅជាគូស្វាមីភរិយាពិតប្រាកដប្តី សម្រាប់​តារា​សម្ដែងប្រុសស្រីល្បីប្រចាំប្រទេសកូរ៉េ​ខាង​ត្បូង Hyun Bin និង Son Ye Jin ។ Hyun Bin និង Son Ye Jin បានសម្តែងរួមគ្នាក្នុងរឿង “The Negotiation” ឆ្នាំ 2018 និងរឿង “Crash Landing on You” ឆ្នាំ 2019។ ពួកគេបានបញ្ជាក់ពីទំនាក់ទំនងរបស់ពួកគេនៅក្នុងខែមករាឆ្នាំ 2021 ហើយបានប្រកាសថាពួកគេរៀបការនៅខែកុម្ភៈឆ្នាំនេះ។

ថ្ងៃនេះគូស្វាមីភរិយាបានរៀបអាពាហ៍ពិពាហ៍ បន្ទាប់ពីបានទាក់ទងគ្នាអស់រយៈពេល 2 ឆ្នាំនៅឯ Aston House របស់ Walkerhill Hotel & Resort ក្នុងចំណោមមិត្តភក្តិជិតស្និទ្ធរបស់គ្រួសារទាំងពីរ ដែលសុទ្ធតែជាតារាកំពូលក្នុងវិស័យសិល្បៈកូរ៉េ។ ថ្មីៗនេះ ពិភពអនឡាញបានចុះផ្សាយរូបភាព។ ពិធីមង្គលការរបស់ Hyun Bin និង Son Ye Jin បានចាប់ផ្តើមហើយ បរិយាកាសពោរពេញដោយក្តីស្រលាញ់។