ប្ដូពីគូស្នេហ៍ក្នុងរឿងមកជាម្ដាយកូន! Ann Thongprasom ណែនាំកូនប្រុសសង្ហាជាងគេរបស់ខ្លួនម្ដងទៀតហើយ!

តារាវ័យក្មេង James Jirayu និងតារាស្រីដ៏ស្រស់ស្អាត Ann Thongprasom ធ្លាប់បានរួមការងារជាមួយគ្នាក្នុងរឿងភាគ กะรัตรัก (Karat Ruk) ដែលនំាឱ្យមានហ្វេនៗជាច្រើនគាំទ្រអ្នកទាំងពីរផងដែរ។ ទោះបី​ជាពួកមាន​អាយុ​ខុស​គ្នាឆ្ងាយ ប៉ុន្តែពួកគេនៅតែមើលទៅសាកសមគ្នាយ៉ាង​ល្អ​ឥត​ខ្ចោះ។ លើសពីនេះ រឿង กะรัตรัก (Karat Ruk) ទទួលបានការពេញចិត្តខ្លាំងពីទស្សនិកជន។

ហើយ​បើ​ទោះ​ជា​រឿង​ភាគ​បាន​បញ្ចប់​ទៅ​ហើយ​ក៏​ដោយ Ann-James នៅ​តែ​ទាក់ទង​គ្នា​ដដែល។ ពេលទំនេរក៏បានណាត់ជួបគ្នាដូចរូបភាពចុងក្រោយនៅលើ Instagram របស់ Ann Thongprasom បានបង្ហោះរូបភាពជាមួយ James បន្ទាប់ពីអ្នកទាំងពីរបានធ្វើសកម្មភាពផ្សេងៗជាមួយគ្នា ដែល​ការ​បង្ហោះ​នេះ​បញ្ជាក់​ថា caption មិន​ដឹង​ថា​ម្តាយ​ជាប់​នឹង​កូន.. ឬ​កូន​នៅ​ជាប់​ម្តាយ។