Bella បង្ហោះសារបង្ហាញអារម្មណ៍រំភើបពេលដែលបុព្វេសន្និវាស ២ ចាក់បញ្ចាំងត្រឹមតែ៦ថ្ងៃសោះ​រក​ចំណូល​បាន​ច្រើន​បំផុតក្នុងចំណោមខ្សែភាពយន្តថៃកន្លងមកនេះ!

 ជាភាពយន្តថៃសម័យ – កំប្លែងបែបមនោសញ្ចេតនា ផលិតរួមគ្នារវាង GDH និង Broadcast Thai Television ។ ភាពយន្ត​នេះ​ជា​វគ្គ​បន្ត​ដោយ​ឡែក​ពី​គ្នា នឹងបុព្វេសនិ្នវាសដែលជារឿងភាគទូរទស្សន៍ដែលសម្របតាមប្រលោមលោកដែលមានឈ្មោះដូចគ្នា ដឹកនាំដោយ Adisorn Trisirikasem សម្តែងដោយ Thanawat Wattanaphut និង Ranee Kampen ដែលជាតួឯកក្នុងរឿងនេះ។

ភាពយន្តនេះដែរក៏មានការរួមសម្ដែងរបស់ Paris Indrakomalsut, Chanon Santinatornkul, Paweenuch Pangnakorn, Nimit Lakshmipong និង Suwatchanee Panichewa ។ ថ្មីៗនេះ (ថ្ងៃទី 3 ខែសីហា ឆ្នាំ 2022) តួឯកស្រីក្នុងរឿង Bella Ranee បានបង្ហោះសារថា “រំភើបសឹងស្រក់ទឹកភ្នែក 200 លានហើយ។ អ្នកណាមិនទាន់បានមើលកុំភ្លេចទៅមើលផង។ ​(ខ្ញុំបានគិតពីចំណងជើងរួចហើយ តែលោកបងគាត់បង្ហោះមុន!) #Buphat2 #LoveDestinyTheMovie #bellaxfilm”។