Mark Prin មិនខ្លាចនឹងនិយាយថាខ្លួនអន្ទះសារខ្លាំងចង់ការរៀបការជាមួយនឹងKimberly ឆាប់ៗ!
ជាគូស្នេហ៍តារាមួយគូដែលត្រៀមនឹងចូលរោងការឆ្នាំក្រោយនេះ សម្រាប់តួឯកប្រុសល្បីMark Prin និង តួឯកស្រី Kimberly Ann Tiamsiri ដែលបានប្តូរឋានៈពីគូដណ្តឹង មកជាគូស្នេហ៍ពិតដើម្បីក្លាយជា “ដៃគូជីវិត” ដោយតារាប្រុសរូបនេះបានធ្វើឱ្យមានការភ្ញាក់ផ្អើលពេលសុំមិត្តស្រីរៀបការពេលធ្វើដំណើរទៅប្រទេសស្វីស ក្រោយទាក់ទងគ្នាជាង ៨ឆ្នាំ ។
ថ្មីៗនេះ (6 សីហា 2022) Mark Prin បានផ្តល់បទសម្ភាសន៍ថា “នៅពេលនេះគឺជាឱកាសល្អនៃពិធីមង្គលការ វាជាពាក់កណ្តាលឆ្នាំ និងចុងឆ្នាំក្រោយ។ ប៉ុន្តែខ្ញុំចង់ប្រាកដអំពីអ្វីៗទាំងអស់ ហើយនឹងប្រាប់អ្នកអំពីថ្ងៃល្អម្តងទៀត”។ លោកក៏បាននិយាយទៀតថាលោកទទួលស្គាល់ថាខ្លួនឯងរំភើបចិត្តខ្លាំងណាស់ ចំណែកឯតារាស្រី Kimberly អនាគតកូនក្រមុំក៏អង្គុយមើលរ៉ូបរៀបការរាល់ថ្ងៃផងដែរ។
Eriya