💜💜BTS ត្រៀមខ្លួនធ្វើ Concert រួចរាល់!! ទីក្រុងប៊ូសាន ប្តូរទៅជាពណ៌ស្វាយទទួលស្វាគមន៍កំពូលតារា K-POP លំដាប់ពិភពលោក!

ARMYs កំពុងរញ្ជួយចិត្តខ្លាំងណាស់ព្រោះឆាកប្រគុំតន្ត្រីខ្នាតយក្សរបស់តារា K-POP លំដាប់ពិភពលោកដែលមិនមានលក់សំបុត្រចូលទស្សនាកាន់តែឈានជើងជិតមកដល់មែនទែនហើយ។ ទីក្រុងប៊ូសានមួយរយ:ពេលចុងក្រោយបាននេះបានប្តូរគ្រប់យ៉ាងទៅជាពណ៌ស្វាយទាំងអស់ (ពណ៌ប្រចាំរបស់ BTS និងអ្នកគាំទ្រ) ដើម្បីទទួលស្វាគមន៍តារា ស៊ុបភើស្តារ៍ និងបណ្តាហ្វែនខ្លាប់ទាំងឆ្ងាយជិតរបស់ក្រុម BTS។
ថ្មីៗនេះសមាជិកទាំង ៧ នាក់របស់ក្រុម BTS បានធ្វើដំណើរទៅដល់ទីក្រុងប៊ូសានហើយកំពុងហ្វឹកសមត្រៀមខ្លួនធ្វើបង្កើតភាពសប្បាយរីករាយអោយអ្នកចូលរួមទស្សនាយ៉ាងយកចិត្តទុកដាក់។ សមាជិកនីមួយៗបាននាំគ្នាផុស Update ប្រាប់ពីសកម្មភាពហ្វឹកសមរបស់ខ្លួនអោយ ARMYs បានឃើញ បានជ្រួលជ្រឺមតាមជាបន្តបន្ទាប់។
Concert នៅទីក្រុងប៊ូសានលើកនេះបានជះឥទ្ធិពលល្អៗច្រើនណាស់អោយប្រទេសកូរ៉េខាងត្បូង ដែលជាស្រុកកំណើតរបស់ពួកគេ។ បណ្តាញសារពត៌មាន អ្នកគាំទ្រទូទាំងពិភពលោកចាប់អារម្មណ៍វប្បធម៌ និងរៀបគម្រោងមកលេងប្រទេសរបស់ពួកគេច្រើនជាងមុនបន្ទាប់ពីបានដំណឹងអំពីព្រឹត្តិការណ៍យក្សចូលរួមដោយសេរីលើកនេះ។

អត្ថបទដោយ សា