Pray For ITAEWON 🖤!! អាប់ដេតរហូតពេលនេះមានមនុស្សស្លាប់151 ក្នុងកម្មវិធី Halloween នៅប្រទេសកូរ៉េខាងត្បូងកាលពីយប់មិញ!

សោកនាដកម្មដ៏ធំមួយបានកើតមានឡើងនៅប្រទេសកូរ៉េខាងត្បូងកាលពីយប់មិញក្នុងកំឡុងពេលពិធីបុណ្យ Halloween រហូតមកទល់ពេលនេះមានការរាយការណ៍ថាមានមនុស្សស្លាប់ ១៥១នាក់ ដោយមានម្នាក់ជាជនជាតិថៃ។ បច្ចុប្បន្នក្រុមសង្គ្រោះបន្ទាន់នៅតែបន្តធ្វើការងារយ៉ាងសស្រាក់សស្រាំងដើម្បីជួយសង្គ្រោះភ្ញៀវទេសចរនិងជនរងគ្រោះនៅទីនោះធ្វើយ៉ាងណាមិនអោយមានចំនួនអ្នកស្លាប់កើនឡើង។
ITAEWON ជាតំបន់ដែលមានភាពល្បីល្បាញសម្រាប់កម្មវិធី​ Halloween បំផុតធ្វើអោយមនុស្សសំរុកនាំគ្នាទៅកំសាន្តច្រើនរហូតលើសចំនុះ និងបណ្តាលអោយមានសភាពខ្វះខ្យល់ដកដង្ហើមកើតឡើង។ អ្នកទេសចរនៅទីនោះមានអាការ:ដូចៗគ្នាគឺពិបាកដកដង្ហើម ដួលសន្លប់ និងមានអ្នកខ្លះដល់ថ្នាក់បាត់បង់ជីវិតនៅនឹងកន្លែងតែម្តង។
ពត៌មាននេះចាត់ទុកជារឿងដែលគួរអោយភ្ញាក់ផ្អើលសម្រាប់ពិភពលោក ហើយជាទុក្ខសោករបស់ក្រុមគ្រួសារមិត្តភក្តិរបស់សពដែលស្លាប់ក្នុងហេតុការណ៍នេះ។ មនុស្ស និងស្ថាប័នក្រៅប្រទេសជាច្រើនកំពុងនាំគ្នាអធិដ្ឋានសូមកុំអោយមានអ្នកបាត់បង់ជីវិតទៀត Pray For ITAEWON 🖤។

អត្ថបទដោយ សា