អ្នកកើតឆ្នាំទាំង៤នេះ ហ៊ានតែនរណាចង់មកបៀតបៀនដឹងតែនាំទុក្ខដាក់ខ្លួនហើយ!
យោងតាមគេហទំព័រហោរាសាស្រ្តចិនចុះផ្សាយពីការទស្សទាយនិងមើលជើងលេខរបស់ស្ដេចហោនៅថ្ងៃទី២៤ ខែមីនា ឆ្នាំ២០២៣នេះ បានបង្ហាញយ៉ាងច្បាស់ៗថា អ្នកកើតឆ្នាំទាំង៤ខាងក្រោមនេះ គឺជាឆ្នាំមានរិទ្ធីអំណាចខ្លាំងខ្លា ដែលនរណាហ៊ានតែចង់បៀតបៀនដឹងតែវិនាសខ្លួនឯងហើយ។
ឆ្នាំម្សាញ់៖ អ្នកកើតឆ្នាំនេះគឺជាឆ្នាំដែលមានអំណាចឥទ្ធិពលខ្លាំង និងជាអ្នកចេះគ្រប់គ្រងអារម្មណ៍បានយ៉ាងល្អបំផុត។ អ្នកតែងតែមានគោលការណ៍ជីវិតច្បាស់លាស់ដូចជា ប្រសិនបើដឹងថាខ្លួនមិនអាចបន្តសម្ព័ន្ធភាពជាមួយមនុស្សណាម្នាក់បានទៀតទេ អ្នកនឹងមិនខ្វល់ហើយឈប់រវីរវល់តែម្តង។ ទោះជាយ៉ាងណាក៏ដោយ ប្រសិនបើមានគេមកលេងល្បែងបោកបញ្ឆោតជាមួយអ្នក បុគ្គលនោះនឹងគ្មានថ្ងៃបានសុខឡើយ ព្រោះអ្នកនឹងបង្ហាញភាពក្លាហាន និងឥទ្ធិពលរបស់ខ្លួនដើម្បីឱ្យភាគីម្ខាងទៀតស្តាយក្រោយដែលខ្លួនបានប្រព្រឹត្តអំពើមិនល្អដាក់អ្នក។
ឆ្នាំជូត៖ អ្នកកើតឆ្នាំជូតប្រសិនបើមើលពីសម្បកក្រៅ មនុស្សគ្រប់គ្នាប្រាកដជាសន្មតថាអ្នកគឺជាមនុស្សអៀនប្រៀន ទន់ភ្លន់ និងចេះដាក់ខ្លួន។ តែធាតុពិតខាងក្នុងវិញប្រៀបដូចជាភ្លើងដែលកំពុងឆេះក្តៅ បង្កប់ដោយភាពក្លាហាន និងមិនចេះលាក់លៀម។ ដោយសារតែអ្នកមិនចូលចិត្តភាពឆើតឆាយ ទើបធ្វើឱ្យមានការមាក់ងាយគ្រប់ទីកន្លែង។ តែទោះជាយ៉ាងណាក៏ដោយ អ្នកមិនសុខចិត្តចាញ់គេដោយងាយៗឡើយ ហើយតែងត្រៀមខ្លួនរួចជានិច្ចក្នុងការកម្ចាត់សត្រូវជុំវិញខ្លួន។ មនុស្សគ្រប់គ្នាដែលបានស្គាល់អ្នក តែងមានអារម្មណ៍ភ័យខ្លាចនិងមានការគោរពចំពោះអ្នក។ ពួកគេមិនហ៊ានតតាំង ឬនិយាយមួលបង្កាច់ឡើយ ព្រោះគេដឹងច្បាស់ថាលទ្ធផលនឹងទៅជាយ៉ាងណា។
ឆ្នាំខាល៖ អ្នកដទៃមើលឃើញថាអ្នកជាមនុស្សរឹងមាំ ស្វាហាប់ ក្លាហាន និងមុះមត់ ហ៊ានសន្យាហ៊ានធ្វើ។ អ្នកជាបុគ្គលដែលចូលចិត្តរាប់អានមនុស្សដែលមានទេពកោសល្យ ចិត្តទូលាយ និងស្មោះត្រង់។ អ្នកស្អប់ណាស់មនុស្សកំណាញ់ ល្អពីមុខអាក្រក់ពីក្រោយ ហើយចាំតែគិតអាក្រក់លើអ្នកដទៃ។ នៅក្នុងជីវិតនេះ អ្នកមិនដែលប្រើល្បិចកលដើម្បីយកឈ្នះគេទេ ក៏ប៉ុន្តែប្រសិនបើអ្នកផ្សេងមានចេតនាអាក្រក់ធ្វើបែបនេះ អ្នកនឹងដាក់ទណ្ឌកម្មពួកគេយ៉ាងចាស់ដៃមិនថាស្រីឬប្រុសនោះឡើយ។ អ្នកកើតឆ្នាំនេះភាគច្រើនជោគជ័យ ជីវិតភ្លឺថ្លាជាងដុំពេជ្រចាប់ពីមជ្ឈិមវ័យឬវ័យកណ្តាលឡើងទៅ។
ឆ្នាំច៖ ស្ទើរតែមួយរយភាគរយនៃអ្នកដែលកើតឆ្នាំចតែងទៅដល់ភាពជោគជ័យដោយសមត្ថភាពខ្លួនឯង និងការខិតខំប្រឹងប្រែងដោយញើសឈាមរបស់ខ្លួន ដូច្នេះប្រសិនបើនរណាមកប៉ះពាល់ ឬប្រមាថមើលងាយ អ្នកឆ្នាំនេះមិនលើកលែងឱ្យជាដាច់ខាត។ ប្រសិនបើក្រុមមនុស្សអាក្រក់ទាំងនោះចង់មកប្រយុទ្ធប្រឆាំងជាមួយអ្នក លទ្ធផលដែលទទួលបានចុងក្រោយមានតែស្ពាយក្តីវិបត្តិត្រឡប់ទៅផ្ទះពួកគេវិញ៕