ដឹងច្បាស់ហើយ! ឱក សុគន្ធកញ្ញា នឹងសម្រាលកូននៅមន្ទីរពេទ្យទំនើបមួយនេះក្នុងប្រទេសថៃ!
ដូចប្រិយមិត្តបានជ្រាបអញ្ចឹងថា កាលពីម្សិលមិញនេះ កំពូលតារាចម្រៀងស្រីល្បីឈ្មោះអ្នកនាង ឱក សុគន្ធកញ្ញា និងស្វាមីបានចាកចេញពីប្រទេសកម្ពុជា ដើម្បីទៅសម្រាកមើលថែសុខភាពត្រៀមសម្រាលកូននៅឯប្រទេសថៃក្នុងពេលឆាប់ៗខាងមុខនេះ។
ក្នុងនោះផងដែរ តាមប្រភពបានឲ្យដឹងថា តារាស្រីរូបនេះ បានជ្រើសរើសមន្ទីរពេទ្យល្បីឈ្មោះ និងទំនើបមួយក្នុងប្រទេសថៃដែលមានឈ្មោះថា «Bumrungrad» ហើយមន្ទីរពេទ្យនេះ ស្វាមីអ្នកនាង ក៏ឧស្សាហ៍នាំអ្នកនាងទៅពិនិត្យក្នុងសុខភាពកូនក្នុងផ្ទៃជាញឹកញាប់ផងដែរ។
ក្រោយពេលឃើញបែបនេះ មហាជននិងអ្នកគាំទ្រជាច្រើន បាននាំគ្នាអបអរសាទរ និងជូនពរឲ្យតារាស្រីរូបនេះ សម្រាលកូនប្រកបដោយសុវត្ថិភាព និងមានសុខភាពល្អទាំងម្ដាយនិងកូន៕
អត្ថបទដោយ៖ស៊ីវលី