មិនទាន់រួចខ្លួនទេ តួឯកស្រី Min Pechaya ប្រឈមនឹងការជាប់គុកម្ដងទៀតក្រោយ DSI បន្ដរកភស្ដុតាងប្ដឹងបន្ថែម…

មិនទាន់រួចខ្លួននៅឡើយទេ! តួឯកស្រី Min Pechaya ដែលទើបបានចេញពីគុកនៅក្រៅឃុំកាលពីពេលមួយរយះមុននោះ  ពេលនេះត្រូវប្រឈមមុខនឹងការអាចត្រលប់ចូលគុកម្ដងទៀត ក្រោយ DSI នៅតែបង្ហាញជំហរមិនដកពាក្យបណ្ដឹងប្ដឹងរូបនាងនិងតារាជើងចាស់លោក Sam Yuranunt នោះឡើយ ថែមពេលនេះកំពុងតែរកភស្ដុតាងដាក់បន្ទុករឿងក្ដីបន្ថែមទៀតថែមទៀតផង។

ដោយតួឯកស្រី Min Pechaya តារាល្បីក្នុងរឿងភាគថៃជាច្រើនរឿងរូបនេះ កាលពីប៉ុន្មានខែមុននេះរូបនាងពិតជាត្រូវបានប៉ូលីសថៃចាប់ឃាត់ខ្លួននិងឃុំឃាំងរស់នៅក្នុងគុកមួយរយះពេល ព្រោះរូបនាងបានជាប់ពាក់ព័ន្ធនឹងរឿងក្ដីឆបោកដ៏ធំមួយក្នុងប្រទេសថៃ។ តួឯកស្រី Min Pechaya បានដើរតួយ៉ាងសំខាន់ជាអ្នកផ្សព្វផ្សាយឲក្រុមហ៊ុនបោកប្រាស់ The iCon Group និងត្រូវបានគេឃើញថារូបនាងមិនត្រឹមតែជាអ្នកផ្សព្វផ្សាយផលិតផលនោះទេ តែថែមទាំងមានតំណែងភាគហ៊ុនជាBoss Min នៅក្នុងក្រុមហ៊ុននេះថែមទៀតផង។ ក្រៅពីតួឯកស្រី Min Pechaya ក៏មានតារាប្រុសល្បី២រូបនាងដែលពាក់ព័ន្ធនឹង The iCon Group គឺមានតារាប្រុសលោកKan Kantathavorn និងតារាប្រុសលោក Sam Yuranunt។​ ក្រោយការចាប់ឃាត់ខ្លួនតារាទាំង៣រូបនៅក្នុងគុកមួយរយះ តួឯកស្រី Min Pechaya និងតារាប្រុសលោក Sam Yuranunt ត្រូវបានដោះលែងឲនៅក្រៅឃុំ។ តែពេលនេះមានពត៌មានថា DSI នៅក្នុងប្រទេសថៃ មិនទាន់បានបញ្ចប់រឿងដោយទុកឲតារាទាំងពីររួចខ្លួនក្រៅឃុំរហូតនោះឡើយ ព្រោះពេលនេះ DSI នៅតែបន្ដរឿងក្ដីក្រុមហ៊ុនឆបោក The iCon Group និងត្រៀមប្ដឹងបន្ដទៅលើតួឯកស្រី Min Pechaya និងតារាប្រុសលោក Sam Yuranunt ទៀតផងដែរ។ ចំណែកលោក Kan Kantathavorn តាំងពីពេលនេះចាប់ឃាត់ខ្លួនមក រូបលោកមិនបានដោះលែងនោះឡើយគឺនៅតែបន្ដរស់នៅក្នុងគុកនៅឡើយទេ។

ប្រភព៖ Sanook

អត្ថបទដោយ៖ ស្រីល័ក្ខ