រំជួលចិត្ត! ក្រោយតស៊ូជាមួយមហារីកជិត ៣ ឆ្នាំ ជួបគ្នាវិញ Kim WooBin និងអង្គរក្សបង្ហាញក្ដីនឹករំលឹកចំពោះគ្នាប្រៀបដូចឳពុក និងកូន

ដូចដែលប្រិយមិត្តបានដឹងរួចមកហើយថា តារាសម្ដែងប្រុសកូរ៉េរូបសង្ហារកំពុងមានប្រជាប្រិយភាព Kim Woobin បានប្រយុទ្ធប្រឆាំងនឹងជំងឺមហារីបំពង់កអស់រយៈពេលជិត ៣ ឆ្នាំ មកហើយ ពោលគឺចាប់តាំងពីឆ្នាំ ២០១៧។ ទើបតែកាលពីថ្មីៗ នេះ លោកបានធ្វើឲ្យអ្នកគាំទ្ររបស់លោកមានអារម្មណ៍ធូរស្បើយក្រោយពីទទួលបានដំណឹងថា សុខភាពរបស់លោកមានលក្ខណៈល្អប្រសើរជាមុនថែមទាំងត្រៀមត្រលប់មកបំរើអារម្មណ៍ទស្សនិកជនជាមួយនឹងរឿងភាគថ្មីថែមទៀតផង។

មិនតែបុណ្ណោះអ្វីដែលធ្វើឲ្យអ្នកគាំទ្រកាន់តែរំជួលចិត្តនោះគឺ នៅពេលដែលលោកធ្វើកម្មវិធីជំនួបអ្នកគាំទ្រ រឺក៏ហៅថា Fanmeeting ដែលមានឈ្មោះថា ‘Thank You’ កាលពីថ្ងៃទី ៨ ខែ ធ្នូ ឆ្នាំ ២០១៩  លោកបានជួបជាមួយនឹងអង្គរក្សរបស់លោក នឹងបង្ហាញនូវក្ដីនឹករំលឹកចំពោះគ្នា។

ជាងនេះទៅទៀត ក៏មានអ្នកគាំទ្រជាច្រើនបានបញ្ចេញមតិថា អង្គរក្សរបស់តារាសម្ដែង Kim WooBin ពិតជាស្រលាញ់ និងយកចិត្តទុកដាក់យ៉ាងខ្លាំងចំពោះប្រុសរូបនេះប្រៀបដូចជាកូនប្រុសរបស់ខ្លួនអញ្ចឹង ដោយមើលទៅលោកពិតជារីករាយពេលឃើញតារាប្រុសរូបនេះត្រលប់មកវិញជាមួយសុខភាពដែលល្អប្រសើរ៕

ប្រភព៖ blog.kpopviral.com

អត្ថបទដោយ៖ ស្រីពេជ្រ