ទីតាំងកម្សាន្តមួយកន្លែងនៅកណ្តាលបឹងកក់ មានទីកន្លែងអង្គុយលំហែខួរក្បាល និងស្តាប់តន្ត្រីយ៉ាងរំភើយ
នៅក្នុងតំបន់បឹងកក់នៃគម្រោង Phnom Penh City Center ជាកន្លែងប្រមូលផ្ដុំដោយហាងអាហារជាច្រើន ព្រមទាំងកន្លែងកម្សាន្តជាច្រើនផងដែរ។ យ៉ាងណាមិញ បងប្អូនអ្នកភ្នំពេញមួយចំនួនមិនទាន់ដឹងទេថា នៅទីនោះក៏មានកន្លែងមួយដែលពួកយើងចង់ណែនាំសម្រាប់ លោកអ្នកសម្រាកលំហែអារម្មណ៍ ឬបន្ទាប់ពីការហត់នឿយពីការងារ ដោយមានភ្លេងតម្រ្តីកំដរអារម្មណ៍ និងមានអ្វីពិសេសៗជាច្រើនទៀត។
កន្លែងនោះគឺ មានឈ្មោះថា ”រង់ចាំ Restaurant & Lounge” ដែលជាភោជនីយដ្ឋានមួយក្នុងតំបន់បឹងកក់ដែលស្ថិតនៅចំកណ្ដាលរាធានីភ្នំពេញ។” រង់ចាំRestaurant& Lounge”ជាបារមួយកន្លែងដែលសាកសមសម្រាប់ឲ្យលោកអ្នកជជែកកំសាន្ដជាមួយមិត្តភក្ដិ បងប្អូន ក្រុមគ្រួសារ ដែលយើងអាចហៅម្យ៉ាងទៀតថា កន្លែងលំហែអារម្មណ៍ព្រោះ មានតន្រ្តីប្រគុំផ្ទាល់បែប “ឃ្លែស៊ិក” នឹង “រ៉ូមែនទិក” ជារៀងរាល់ថ្ងៃ ហើយព័ទ្ធជុំវិញដោយពន្លឺភ្លើងរ៉ូមែនទិកអមជាមួយបរិយាកាសងាកទៅរកអតីតកាល។ លោកអ្នកអាចទទួលទានរសជាតិស្រាក្រហមជាច្រើនប្រភេទ និងមាននូវស្រាក្រឡុកដែលផលិតដោយដៃដែលមានរសជាតិយ៉ាងពិសេសខុសផ្លែកពីគេផងដែរ។
ជាការពិតណាស់ បើយើងមើលទៅទិដ្ឋភាពនៃ ភោជនីយដ្ឋាន រង់ចាំRestaurant& Lounge គឺជាកន្លែងមួយដ៏សាកសមបំផុតសម្រាប់បំពេញនូវតម្រូវការរបស់លោកអ្នក ដែលមានអារម្មណធុញថប់ sad ឬក៏ stress បន្ទាប់ពីការហត់នឿយពីការងារ ព្រោះពេលពួកគាត់មានអារម្មណ៍បែបនេះ ពួកគាត់ត្រូវការកន្លែងមួយសម្រាប់ស្ដាប់ភ្លេងតន្រ្តី នឹងក្រេបស្រាដើម្បីរំសាយអារម្មណ៍ និងប្ដូរអារម្មណ៏របស់ពួកគាត់ទៅរកភាពសប្បាយៗ ដូច្នេះ “រង់ចាំ Restaurant& Lounge”គឺជាកន្លែងមួយ ដែលមិនគួរមើលរំលងឡើយ។
លើសពីនេះ ភោជនីយដ្ឋានក៏មានអាហារឆ្ងាញ់ៗផងដែរ ជាពិសេសបើបានទៅដល់ទីនោះកំភ្លេចសាកល្បងជាមួយ “ថ្លើមក្ងាន់” នៅទីនោះផងដែលជាអាហារសុខភាពផងដែរ៕