ក្រោយសម្ដែងរឿងភាគជាមួយតួស្រីបងដល់ទៅជាង ១០ ឆ្នាំ ! ស្រាប់តែ Song Weilong ត្រូវគេ ចោទសួរបែបនេះ
បច្ចុប្បន្នរឿងភាគ “Find Yourself” ជារឿងភាគមួយដែលកំពុងមានភាពល្បីល្បាញខ្លាំងក្នុងប្រទេសចិន និងកំពុងក្លាយជាប្រធានបទជជែកវែកញែកក្នុងបណ្ដាញសង្គម Weibo ផងដែរ។ ដោយហេតុថា ជារឿងភាគដែលកំពុងមានអ្នកទស្សនាច្រើន ដូចនេះហើយ Song Weilong និង Victoria Song ជាតួឯក ចៀសមិនផុតឡើយពីការចាប់អារម្មណ៍ និងតាមដានខ្លាំងពីមហាជន។
មិនតែប៉ុណ្ណោះ បើទោះបីជា តារាប្រុស ស្រី មួយគូនេះ មានអាយុខុសគ្នាដល់ទៅជាង ១២ ឆ្នាំ ក៏ប៉ុន្ដែពួកគេពិតជាសម្ដែង ស៊ីចង្វាក់គ្នាបានល្អ ហើយក៏មានអ្នកគាំទ្រជាច្រើនស្រលាញ់ និងចង់ឲ្យពួកគេក្លាយជាគូស្នេហ៍ពិតប្រាកដថែមទៀតផង។
កាលពីថ្មីៗ កន្លងទៅនេះ តារាសម្ដែងប្រុសវ័យក្មេង Song Weilong បានចូលរួមក្នុងកម្មវិធីបុស្ដិ៍ទូរទស្សន៍មួយដែលមានឈ្មោះថា “Hi, What are you doing?”។ ក្នុងកម្មវិធីនោះផងដែរ Weilong ក៏ត្រូវបានគេចោទសួរថា “តើលោក និងដៃគូសម្ដែងរបស់លោក Victoria Song ជាគូស្នេហ៍ពិតមែនទេ?” ខណៈពេលនោះផងដែរ តារាប្រុសរូបនេះក៏ឆ្លើយទាំងអឹមអៀនថា “ពួកយើងគ្រាន់តែជាមិត្តល្អប៉ុណ្ណោះ”។
មែនទៅ មានដៃគូសម្ដែងរឿងភាគរួមគ្នាជាច្រើន បានក្លាយជាគូស្នេហ៍ពិតប្រាកដបន្ទាប់ពីពួកគេបានសម្ដែងជាមួយគ្នា តែសម្រាប់មួយគូនេះវិញ ខាងប្រុសបានបដិសេដហើយ ប៉ុន្ដែមានតែរង់ចាំមើលបន្ដពីព្រោះថា ក៏មានគូសម្ដែងជាច្រើនបានបដិសេដថា ពួកគេគ្មានទំនាក់ទំនង តែដល់ចុងក្រោយនៅតែក្លាយជាគូស្នេហ៍ពិត៕
អត្ថបទដោយ៖ ស្រីពេជ្រ