ចំ! កូនស្រី Janie ប៉ុនហ្នឹងហើយ នៅមានអ្នករិះគន់ថាមុខមាត់មិនសូវជាគួរឲ្យស្រលាញ់ទៀត! (មានរូបភាព)

ជាការពិតណាស់ ដូចប្រិយមិត្តបានជ្រាបអញ្ចឹងថា ក្រោយពេលដែលតារាសម្ដែងថៃស្រីល្បីឈ្មោះ Janie Tienphosuwan សម្រាលបានកូនស្រីមួយរូបមក ជីវិតគ្រួសារនាងកាន់តែមានសុភមង្គលខ្លាំងឡើងៗ ធ្វើឲ្យហ្វេនៗជាច្រើនច្រណែនខ្លាំងណាស់។

តែយ៉ាងណាមិញ ស្រាប់តែកាលពីពេលថ្មីៗនេះ មានរឿងដ៏គួរឲ្យភ្ញាក់ផ្អើលមួយកើតឡើង ដោយមានគណនី Twitter មួយ បានសរសេរអត្ថាធិប្បាយរិះគន់ទៅលើកូនស្រីរបស់ Janie ថាគេមានមុខមាត់មិនសូវជាគួរឲ្យស្រលាញ់ និង រិះគន់ទៅលើស្បែកកូនស្រីនាងទៀតផង។

ក្រោយពេលឃើញបែបនេះ មហាជនពិសេសហ្វេនៗរបស់តារាស្រីរូបបាននាំគ្នា ចូលទៅបញ្ចេញមតិមិនពេញចិត្តចំពោះការរិះគន់នេះ ព្រោះថាក្មេងៗគ្រប់រូបកើតមកមិនដូចគ្នាទេ ហើយពួកគេក៏មានចំណុចស្អាត និងគួរឲ្យស្រលាញ់រៀងៗខ្លួនដែរ ហើយពួកគេស្រលាញ់កូនស្រី Janie ខ្លាំងណាស់៕

តោះ! ទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖ស៊ីវលី