សំណាងអាក្រក់មែន! Lee Kwang Soo ជួបគ្រោះថ្នាក់ចរាចរណ៍ ថែមទាំងប្រេះឆ្អឹងទៀត

ប្រិយមិត្តដែលជាអ្នកគាំទ្រ តារាកូរ៉េ ប្រហែលជាស្គាល់នូវតារាសម្ដែងប្រុស Lee Kwang Soo រួចមកហើយ ពីព្រោះលោកជាតារាសម្ដែងដែលមានឈ្មោះបោះសម្លេងម្នាក់ និងមានទេពកោសល្យខាងកំប្លុកកំប្លែង។ ដោយឡែក មុននេះបន្ដិចក៏ទទួលដំណឹងអាក្រក់ថា តារាប្រុសរូបនេះ ជួបគ្រោះថ្នាក់ចរាចរណ៍បណ្ដាលឲ្យប្រេះឆ្អឹងនៅកជើងខាងស្តាំរបស់តារាសម្ដែងប្រុសរូបនេះ។

ខាងក្រោមនេះជាសារដែលក្រុមហ៊ុនរបស់តារាប្រុសរូបនេះបានចែករំលែក៖

សួស្តី នេះគឺជាផលិតកម្មរបស់ Lee Kwang Soo

នៅរសៀលថ្ងៃទី ១៥ ខែកុម្ភៈ តារាសម្ដែងប្រុស Lee Kwang Soo ធ្វើដំណើរដោយរថយន្ដបស់លោក ដើម្បីទៅធ្វើធរុៈផ្ទាល់ខ្លួន ប៉ុន្ដែជាសំណាងអាក្រក់ក៏បានជួបគ្រោះថ្នាក់ចរាចរណ៍។

បន្ទាប់ពីទទួលការពិនិត្យយ៉ាងល្អិតល្អន់នៅមន្ទីរពេទ្យក៏បានដឹងថា  Kwang Soo មានប្រេះឆ្អឹងនៅកជើងខាងស្តាំរបស់គាត់។ បច្ចុប្បន្នលោក កំពុងនៅឯមន្ទីរពេទ្យទទួលការព្យាបាល។

ជាលទ្ធផលគាត់នឹងមិនអាចចូលរួមក្នុងសកម្មភាពទាំងឡាយដែលបានគ្រោងបានទុករបស់គាត់ទេហើយយើងក៏សុំអភ័យទោសផងដែរ។ យើងនឹងតាមដាន និងផ្តោតលើកាព្យាបាលដើម្បីឲ្យរូបលោកឆាប់បានជាសះស្បើយ៕

ប្រភព៖ soompi

អត្ថបទដោយ៖ ស្រីពេជ្រ