បង្ហាញភាពស្និតស្នាលជាមួយតារាប្រុសគ្នាឯងពេក! Li Yi Feng ធ្វើឲ្យអ្នកគាំទ្រមិនស្រួលចិត្ត (មានរូបភាព)

តារាសម្ដែងប្រុស Li Yi Feng ត្រូវបានគេចាត់ទុកថាជាតារាសម្ដែងប្រុសដែលមានភាពល្បីល្បាញមិនធម្មតាម្នាក់ក្នុងរង្វង់សិល្បះចិន ដោយហេតុថា លោកបានលេចមុខនៅក្នុងរឿងភាគល្បីៗ ជាច្រើន ថែមទាំងតែងតែបានឈរជាប់នៅលើតារាងកំពូលប្រជាប្រិយភាព និងមានស្បតពាណិជ្ជកម្មថតឥតខ្វះផងដែរ។

មួយរយៈចុងក្រោយនេះ មានអ្នកគាំទ្រជាច្រើនបានសម្ដែងការភ្ងាក់ផ្អើលនូវពេលដែលពួកគេ បានចាប់អារម្មណ៍ថា តារាសម្ដែងប្រុសរូបនេះ ហាក់ដូចជាបង្ហាញភាពស្និតស្នាលជ្រុលជាមួយតារាសម្ដែងប្រុស ដែលបានថតរឿងភាគរួមគ្នា ក៏ដូចជាតារាសម្ដែងប្រុសដែលបានចូលរួមកម្មវីធីជាមួយលោក។

ជាក់ស្ដែង ជាមួយតារាប្រុស DengLun លោកបានបង្ហាញការប៉ះពាល់យ៉ាងស្និតស្នាលនៅពេលលេងបាល់បោះរួមគ្នាក្នុងកម្មវិធីមួយ។

រីឯតារាសម្ដែងប្រុស William Chan ត្រូវបានគេស្គាល់ថាជាមិត្តជិតស្និទ្ធរបស់តារាសម្ដែងប្រុសរូបនេះ បែបនេះហើយ លោកត្រូវបានគេប្រទះឃើញញឹកញាប់ បានកាន់ដៃគ្នា គេងលើស្មា និងប៉ះត្រចៀកថែមទៀតផង។

មិនតែប៉ុណ្ណោះ កំឡុងពេលដែលលោកទៅផ្សព្វផ្សាយខ្សែភាពយន្ដជាមួយនឹងតារាប្រុសរូបសង្ហារ Kris Wu លោកក៏បានបញ្ចេញកាយវិកាស្និតស្នាល ហើយថែមទាំងអង្អៃលក្បាលរបស់ Kris ទៀត។

សូម្បីតែ តារាសម្ដែងប្រុសវ័យក្មេងកំពុងមានប្រជាប្រិយភាព Jackson Yee ក៏ធ្លាប់បានត្រូវតារាសម្ដែងប្រុសរូបនេះ អង្អែលចង្ការពេលដែលចូលរួមកម្មវិធីរួមគ្នា កាលពីពេលកន្លងទៅ។

ជាងនេះទៅទៀត លោក៏បានឈរលេងត្រចៀករបស់តារាសម្ដែងរាមច្បងលោក  Huang Lei និងតែងតែបង្ហាញភាពស្និតស្នាលខ្លាំងពេលនៅជាមួយតារារាមច្បងលោក  He Jiong។

ទង្វើតារាសម្ដែងប្រុសរូបនេះ បានធ្វើឲ្យមហាជន និងអ្នកគាំទ្រផ្ទាល់របស់លោកមានការភ្ងាក់ផ្អើលជាខ្លាំង ព្រោះលោកហាក់ដូចជាមិនខ្វល់ពីមនុស្សដែលនៅជុំវិញ និងបង្ហាញឲ្យឃើញសកម្មភាពស្និតស្នាលរបស់ខ្លួនជ្រុលជាមួយតារាសម្ដែងប្រុសជាច្រើន ដែលធ្វើឲ្យអ្នកគាំទ្រមួយចំនួនហាក់ដូចមិនស្រណុកចិត្តជាមួយទង្វើប្លែកៗ របស់លោក៕

ប្រភព៖ jaynestars

អត្ថបទដោយ៖ ស្រីពេជ្រ