ខានមិនបានទេមិត្តភក្ដិគេ! ទំនេរពីការងារភ្លាម V ទៅសួរសុខទុក្ខ Park SeoJun ដល់កន្លែងថតរឿងតែម្ដង

ដូចដែលប្រិយមិត្តមួយចំនួនបានជ្រាបច្បាស់រួចមកហើយថា ចំណងមិត្តភាពរបស់កម្លោះសង្ហារ V និងតារាសម្ដែងប្រុស Park Seojun មានលក្ខណៈស្អិតរមួតចាប់តាំងពីពួកគេបានសម្ដែងរឿងភាគរួមគ្នាដែលមានចំណងជើងថា “Hwarang”។ ដោយឡែក តារាប្រុសរូបសង្ហារទាំងពីរនេះ តែងតែឆ្លៀតពេលដើរកម្សាន្ដជាមួយគ្នា និងគាំទ្រលើកទឹកចិត្តគ្នាទៅមកជារឿយៗ។

ជាក់ស្ដែង បច្ចុប្បន្ន  V កំពុងតែមមាញឹកក្នុង​ការ​ចេញ​ផ្សព្វផ្សាយអាល់ប៊ុម​ថ្មីរបស់ខ្លួន​ «Map of the Soul: 7» ជាមួយសមាជិកក្រុម BTS ដទៃទៀត។ យ៉ាងណាមិញ គ្រាន់តែមានពេលទំនេរបន្ដិច កាលពីថ្ងៃទី ១៦ ខែ មីនា ម្សិកមិញ តារាចម្រៀងប្រុសរូបនេះ ក៏ទៅសួរសុខទុក្ខមិត្តសំណព្វលោក Park SeoJun ដល់ទីតាំងថតរឿង «Itaewon Class» ភ្លាមតែម្ដងមិនចាំយូរ ថែមទាំងបានថតរូបយ៉ាងស្រស់ជាស្អាតជាមួយគ្នាដើម្បីទុកបង្អួត ហ្វេនៗ ថែមទៀតផង៕

ប្រភព៖ kstarlive

អត្ថបទដោយ៖ ស្រីពេជ្រ