មិននឹកស្មានសោះ! Ella Chen ពោលពាក្យបែបនេះ ក្រោយបានជួប Lisa

ប្រិយមិត្តមួយចំនួន ប្រហែលជាបានដឹងរួចមកហើយថា តារាចម្រៀងស្រីរូបស្រស់ និងមានទេពកោសល្យប៉ិនប្រសប់ Lisa ដែលជាសមាជិកក្រុមចម្រៀងនារី Blackpink បានចូលរួមធ្វើជាគ្រូបង្វឹករាំ ក្នុងកម្មវីធីរបស់ប្រទេសចិន “Youth With You”។

ក្នុងកម្មវិធីនេះផងដែរ រូបនាងត្រូវសហការជាមួយនឹងគ្រូបង្វឹក ៣ នាក់ផ្សេងទៀត ដូចជា Ella, Joey និង Cai XuKun ដើម្បីជួយបង្វឹក និងផ្ដល់ជាដំបូន្មាននានា សម្រាប់បេក្ខនារីដែលបានចូលរួមប្រកួតប្រជែង។

ខណៈដែលមានឱកាសសហការរួមគ្នាជាមួយ Lisa តារាចម្រៀងស្រីជើងចាស់ Ella Chen ដែលប្រិយមិត្តមួយចំនួនស្គាល់ថាជាអតីតសមាជិកក្រុមចម្រៀងល្បី S.H.E បានលើកឡើងថា “ Lisa ពិតជាដូចកូនក្រមុំ Barbie ពិតៗ (Human Barbie) នាងស្រស់ស្អាតខ្លាំងនៅខាងក្រៅ។ ខ្ញុំពិតជាចូលចិត្តនាង សំណាងហើយដែលខ្ញុំអាចប្រើប្រាស់ភាសាអង់គ្លេសបានខ្លះ ដូច្នេះហើយ Lisa អាចយល់នូវអ្វីដែលខ្ញុំបាននិយាយទៅកាន់នាង”។

Ella បានបន្ថែមថា “នៅពេលដែលខ្ញុំទិញកាដូអនុស្សាវរីយជូនដល់គ្រូបង្វឹកដទៃ រួមទាំង Lisa, នាងពិតជារអៀសខ្លួន និងមិនសប្បាយចិត្តឡើយ ព្រោះនាងមិនបានរៀបចំកាដូឲ្យខ្ញុំវិញ ដែលកាយវិការបស់នាងពិតជាគួរឲ្យស្រលាញ់ និងបង្ហាញឲ្យឃើញពីសុជីវធម៌។ នាងពិតជាក្មេងស្រីគួរឲ្យចូលចិត្តម្នាក់” ៕

ប្រភព៖ 38jiejie

អត្ថបទដោយ៖ ស្រីពេជ្រ