ច្បាស់ការ! ទីបំផុតតារាសម្ដែងប្រុស Nam Joohyuk ចាកចោលទ្រនំចាស់ YG ទៅផលិតកម្មថ្មីហើយ

យោងតាមប្រភពពត៌មាន Allkpop បានថ្លែងប្រាប់ឲ្យដឹងថា តារាសម្ដែងប្រុសរូបសង្ហារ កំពស់ខ្ពស់ស្រឡះ Nam Joohyuk បានចាកចេញពីផលិតកម្ម YG ហើយ។ ជាពិសេស លោកនឹងត្រៀមចូលរួមក្នុងផលិតកម្ម ដែលជាទ្រនំរបស់តារាសម្ដែងកូរ៉េល្បីៗ ដូចជា Gong Yoo, Suzy, Gong Hyun Jin, Seo Hyun Jin និង Kim Jaewook ជាដើម។

ផលិកកម្ម Management Soop  ដែលជាទ្រនំថ្មីរបស់តារាសម្ដែងប្រុសរូបនេះ ក៏បានចេញសេចក្ដីប្រកាសថា “តារាសម្ដែងប្រុស Nam Joohyuk នឹងចូលរួមជាមួយផលិតកម្មខ្លួន ហើយពួកគេនឹងមើលការខុសត្រូវ និងជួយជ្រោមជ្រែងសម្រាប់គម្រោងនាថ្ងៃអនាគតរបស់លើតារាសម្ដែងប្រុសរូបនេះផងដែរ”។

គួរបញ្ជាក់ផងដែរថា Nam Joohyuk នឹងត្រៀមវិលជាមួយរឿងភាគថ្មីដែលមានចំណងជើងថា “Startup”។ សម្រាប់រឿងភាគមួយនេះ លោកនឹងចាប់ដៃគូសម្ដែងជាមួយតារាសម្ដែងស្រី Suzy ដែលជាមិត្តរួមផលិតកម្មថ្មីរបស់លោក៕

អត្ថបទដោយ៖​ស្រីពេជ្រ