ទីបំផុតតារាថៃ Namfon ចេញមុខនិយាយហើយ ក្រោយបញ្ចប់ការឃុំខ្លួន១៤ថ្ងៃ!(មានវីដេអូ)
ប្រិយមិត្តជាច្រើនប្រាកដជាជ្រាបហើយ អំពីរឿងរ៉ាវដ៏ភ្ញាក់ផ្អើល ដែលកើតមានចំពោះតារាស្រី Namfon Patcharin និងស្វាមី ក្រោយពេលរៀបការរួច គឺគេបានរកឃើញមានអ្នកឆ្លងជម្ងឺកូវីត១៩ នៅក្នុងកម្មវិធីមង្គលការនាង ធ្វើឲ្យនាងនិងស្វាមីចេញមុខសុំទោស និងថែមទាំងឃុំខ្លួនឯងចំនួន១៤ថ្ងៃ តាមការណែនាំរបស់ក្រសួងទៀតផង។
យ៉ាងណាមិញ ក្រោយពេលឃុំខ្លួន១៤ថ្ងៃហើយ Namfon និងស្វាមី ក៏បានបង្ហោះរូបភាពក្នុងបណ្ដាញសង្គម និងសាររៀបរាប់ថា «ឃុំឃាំងខ្លួនអស់រយៈពេល ១៤ ថ្ងៃហើយ។ អ្នកដែលបានមកចូលរួមនៅក្នុងពិធីរបស់ខ្ញុំ និង បង Arm គឺ សុទ្ធតែមានសុខភាពល្អ។ដោយសារតែពិធីរបស់យើងរៀបចំបែបតូចតាច ដូច្នេះហើយ ភ្ញៀវរបស់យើងភាគច្រើន គឺជាសាច់ញាតិរបស់យើង។ ភ្ញៀវដែលជាចាស់ទុំ ព្រមទាំងបងប្អូនប្រុសស្រី ខ្ញុំ និង បង Arm បានទាក់ទង ទៅអ្នកគ្រប់គ្នា ដែលបានមកចូលរួមនៅក្នុងពិធីនេះផងដែរ ។ អ្នកទាំងអស់គ្នា គឺមានសុវត្ថិភាពនិង មានសុខភាពរឹងមាំល្អ។ សូមអរគុណ អ្នករាល់គ្នា សម្រាប់ការលើកទឹកចិត្តដ៏ធំធេង ។ ក្នុងស្ថានភាពបែបនេះ ពិតជាបានបង្ហាញថា អ្នករាល់គ្នា ពិតជាមានសេចក្ដីស្រលាញ់ដែលបានផ្ដល់ឲ្យ ។ ពិតជាសូមអរគុណ អស់ពីបេះដូង។»
ក្រោយពេលឃើញបែបនេះ ហ្វេនៗជាច្រើនពិតជាសប្បាយរីករាយ ព្រោះឃើញតារាស្រីរូបនេះ និងស្វាមីពុំមានបញ្ហាអ្វី ពិសេសរួមទាំងភ្ញៀវកិត្តិយសដែលចូលរួមកម្មវិធីមង្គលការនាងក៏សុទ្ធតែមានសុខភាពល្អធម្មតាដែរ៕ តោះ! ទៅទស្សនារូបភាព និងវីដេអូខាងក្រោមនេះទាំងអស់គ្នា៖
អត្ថបទដោយ៖ស៊ីវលី