អ្នកគាំទ្រ Lee Minho ត្រៀមៗ! យប់នេះរឿងភាគថ្មីរបស់លោកចាក់ផ្សាយជាផ្លូវការហើយ

ដូចដែលប្រិយមិត្តបានជ្រាបរួចមកហើយថា កម្លោះរូបសង្ហារ Lee Minho បាននឹងកំពុងត្រៀមត្រលប់មកវិញជាមួយនឹងរឿងភាគថ្មីដែលមានចំណងជើងថា “The King: Eternal Monarch”។ មែនទែនទៅ នេះគឺជាស្នាដៃដំបូងរបស់លោក បន្ទាប់ពីបញ្ចប់កាតព្វកិច្ចបំរើកងទ័ពជូនប្រទេសជាតិដែលធ្វើឲ្យប្រិយមិត្តរបស់លោកនៅជុំវិញពិភពលោក ពិតជាមានភាពរីករាយយ៉ាងខ្លាំង ស្ទើរតែមិនអាចរង់ចាំបាន។

អ្វីដែលកាន់តែរំភើបនោះ រឿងភាគដែលមានការចូលរួមសម្ដែងពីតារាល្បីៗ ដូចជា Lee Minho, Kim Go Eun, Woo Do-Hwan, Jo Eun-Seob, Lee Hong-Nae, Seok Ho-Pil និង Jo Hae-In បានថតចប់រួចរាល់អស់ និងត្រៀមចាក់ផ្សាយជាផ្លូវការយប់នេះហើយវេលាម៉ោង ៨ នៅលើកញ្ចក់ទូរទស្សន៍បុស្ដិ៍ SBS។ ដូច្នេះហើយ កុំភ្លេចរង់ចាំទស្សនាទាំងអស់គ្នាណាយប់នេះ។

តោះទៅមើលវីដេអូ Trailer ខ្លះៗ ទាំងអស់គ្នា៖

អត្ថបទដោយ៖ ស្រីពេជ្រ​